Тоҷикистон бо ширкати “Venture One” ҳамкорӣ менамояд

ДУШАНБЕ, 08.03.2025. /АМИТ «Ховар»/. Ҳайати  Тоҷикистон бо ҳайати пажуҳишгарони Шурои аморотӣ оид ба таҳқиқоти технологияҳои пешрафта зери роҳбарии Мудири иҷроияи ширкати “Venture One” Ризо Нидако вохӯрӣ анҷом дод. Дар ин хусус ба АМИТ «Ховар» аз Сафорати Ҷумҳурии Тоҷикистон дар Амороти Муттаҳидаи Араб хабар доданд.

Тавре қаблан иттилоъ додем, ҳайати Тоҷикистон таҳти роҳбарии Вазири саноат ва технологияҳои нави Ҷумҳурии Тоҷикистон Шералӣ Кабир бо сафари корӣ дар  Амороти Муттаҳидаи Араб қарор дорад.

Дар вохурӣ ҷонибҳо роҷеъ ба мавзуъҳои қобили таваҷҷуҳи тарафайн табодули афкор намуда, омодагии хешро барои ҳамкорӣ дар самтҳои пажуҳиши технологияҳои инноватсионӣ ва дарёфти равишҳои муассир барои истифодаи муфиди имконияти зеҳни сунъӣ дар бахшҳои маориф, хоҷагидорӣ, тандурустӣ, ҳифзи муҳити зист ва амнияти киберӣ баён намуданд.

АКС: Сафорати Ҷумҳурии Тоҷикистон дар Амороти Муттаҳидаи Араб