Тоҷикистонро дар рӯзҳои ҷашни Наврӯз чӣ гуна ҳаво интизор аст?
ДУШАНБЕ, 20.03.2025. /АМИТ «Ховар»/. Дар рӯзҳои таҷлили Ҷашни байналмилалии Наврӯз аз 21 то 23 март ҳавои камабри бебориш дар назар аст. Ҳаво дар ин рӯзҳо то 30 дараҷа гарм мешавад. Дар ин хусус ба АМИТ «Ховар» дар Агентии обуҳавошиносии ҷумҳурӣ иттилоъ доданд.
24 март дар мамлакат ҳавои тағйирёбанда шуда, боридани борон ва раъду барқ дар назар аст. Чангу ғубор низ ба амал меояд. Инчунин аз 24 то 28 март ҳавои тағийрёбанда пешгӯӣ шуда, боридани борон дар назар аст. Ба амал омадани раъду барқ аз эҳтимол дур нест. Дар ин рӯзҳо ҳарорат паст мешавад.
Аз 29 то 31 март ҳавои камабри бебориш дар назар буда, ҳарорат дар ин рӯзҳо баланд мешавад.
Дар шаҳри Душанбе ва ноҳияҳои тобеи марказ аз 21 то 23 март ҳаво 27 дараҷа гарм мешавад. 24 март дар баъзе ноҳияҳо бориши борони кӯтоҳмуддат дар назар аст.
Дар Вилояти Мухтори Кӯҳистони Бадахшон дар рӯзҳои аввали ҷашн ҳавои тағийрёбанда дар назар буда, ҳарорат то 15 дараҷа гарм мешавад. Дар шарқи вилоят шабона 11-16 дараҷа хунук ва рӯзона 0-5 дараҷа хунук мешавад. 24 март дар вилоят боридани борону барф пешбинӣ мешавад.
Дар вилояти Хатлон дар рӯзҳои ҷашн ҳаво камабри бебориш мешавад. Дар водиҳо рӯзона то 31 дараҷа гарм ва дар доманакӯҳҳо то 25 дараҷа гарм мешавад. 24 март дар баъзе ноҳияҳо борони кӯтоҳмуддат ва раъду барқ аз эҳтимол дур нест.
Дар ин рӯзҳо ҳаво дар водиҳои вилояти Суғд рӯзона то 26 дараҷа гарм ва дар ноҳияҳои кӯҳӣ то 15 дараҷа гарм мешавад. 24 март борони кӯтоҳмуддат дар назар аст.
АКС: АМИТ «Ховар»
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
