Ҳунари балети Тоҷикистон дар Париж муаррифӣ мегардад
ДУШАНБЕ, 27.03.2025 /АМИТ «Ховар»/. 26 март дар Театри «Gymnase Marie Bell»-и Париж намоишномаи театрии ҳунармандони Театри давлатии академии опера ва балети ба номи С. Айнӣ таҳти унвони «Дивертисмент» баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Фаронса хабар доданд.
Чорабинии мазкур дар ҳамкории Театри давлатии опера ва балети ба номи С. Айнӣ бо ташкилоти «France UNESCO Art Culture» ва Сафорати Ҷумҳурии Тоҷикистон дар Фаронса баргузор карда шуд.
Ҳунармандони тоҷик дар саҳнаи ин театри қадимии Париж шоҳкориҳои балети тоҷик, аз ҷумла «Шопенинаи бузург», «Дон Кихот», «Фаввораи Боғчасарой», «Илҳом аз Осиё» ва «Каприз Паганини» намоиш дода, санъати балети тоҷикро пешкаши ҳаводорони асили балет гардониданд.
Меҳмонони чорабинӣ ба шарофати ин маҳфил бо санъату ҳунари муосири мардуми тоҷик ошноии бештар пайдо намуданд.
Ёдрас менамоем, ки ин нахустин барномаи театрии ҳунармандони Театри давлатии академии опера ва балети ба номи С.Айнӣ дар Аврупо мебошад.
АКС: Сафорати Ҷумҳурии Тоҷикистон дар Фаронса
НИШАСТИ МАТБУОТӢ. Осорхонаи таърихии Донишкадаи давлатии фарҳанг ва санъати Тоҷикистон таъсис дода шуд
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
Дар Душанбе Рӯзи фарҳанги ноҳияи Рашт баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Рашт, Балҷувон ва Дарвоз баргузор мегарданд
Рӯзи фарҳанги ноҳияи Ховалинг бо шукуҳу шаҳомати хос баргузор шуд
Дар пойтахти мамлакат Рӯзи фарҳанги ноҳияҳои Лахшу Сангвор баргузор гардид
Дар пойтахти Тоҷикистон Рӯзи фарҳанги шаҳри Бохтар доир шуд
Имрӯз дар боғҳои шаҳри Душанбе рӯзҳои фарҳанги шаҳри Бохтар, ноҳияҳои Ховалинг, Лахш ва Сангвор баргузор мегарданд
«КИТОБИ ДУШАНБЕ». Дар пойтахти Тоҷикистон намоишгоҳи чордаҳуми байналмилалӣ баргузор мегардад
Дар Душанбе рӯзҳои фарҳанги шаҳри Бохтар, ноҳияҳои Ховалинг, Лахш, Сангвор, Рашт, Балҷувон ва Дарвоз баргузор мегарданд
Китоби «Аз забони ориёӣ то забони тоҷикӣ» ба нашр расид
