Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
ДУШАНБЕ, 24.04.2025. /АМИТ «Ховар»/. 23 апрел ҳайати Ҷумҳурии Тоҷикистон таҳти роҳбарии Раиси Суди Олии Ҷумҳурии Тоҷикистон Рустам Мирзозода дар ҷаласаи XX раисони судҳои олии давлатҳои аъзои Созмони ҳамкории Шанхай дар Ҷумҳурии Мардумии Чин иштирок намуд.
Тавре аз Суди Олии Ҷумҳурии Тоҷикистон ба АМИТ «Ховар» хабар доданд, зимни ҷаласа масъалаҳои муҳими марбут ба идоракунии амнияти киберӣ, истифодаи зеҳни сунъӣ, нақши судҳо дар пешгирӣ ва ҳалли низоъҳо, ҳифзи ҳуқуқи ноболиғон ва мубориза бо ҷиноятҳои зӯроварӣ ва терроризм баррасӣ гардид.
Иштирокчиён инчунин вобаста ба масъалаҳои адолати судӣ ва тақвияти эътимод байни ниҳодҳои судии давлатҳои аъзои Созмони ҳамкории Шанхай ибрози назар намуданд.
Таъкид гардид, ки дар шароити таҳдидҳои ҷаҳонӣ ҳамкории судҳои давлатҳои аъзои ин созмон аҳамияти бештар пайдо мекунад.
Ёдовар мешавем, ки ҷаласаи XXI раисони судҳои олии кишварҳои аъзои Созмони ҳамкории Шанхай соли 2026 дар Ҷумҳурии Исломии Эрон баргузор мегардад.
АКС: Суди Олии Ҷумҳурии Тоҷикистон
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
