Академик Баҳром Сироҷев бо медали соҳавии «Аълочии соҳаи энергетика» сарфароз гардид
ДУШАНБЕ, 19.04.2025 /АМИТ «Ховар»/. 18 апрел дар Вазорати энергетика ва захираҳои оби Ҷумҳурии Тоҷикистон маҳфили «Нурофарон» таҳти унвони «85 баҳори умри Баҳром Сироҷев: Рисолати зиндагӣ ва хизмати содиқона ба рушди соҳаи энергетикаи тоҷик» баргузор гардид. Дар ин хусус АМИТ «Ховар» бо истинод ба Вазорати энергетика ва захираҳои об иттилоъ медиҳад.
Дар маҳфил Вазири энергетика ва захираҳои оби Ҷумҳурии Тоҷикистон Далер Ҷумъа собиқадорони соҳаи энергетика, роҳбарияти корхонаҳои энергетикӣ, Ассотсиатсияи энергетикҳои Тоҷикистон, Академияи муҳандисии Ҷумҳурии Тоҷикистон, устодони Донишгоҳи техникии Тоҷикистон ба номи академик Муҳаммад Осимӣ иштирок ва сухан намуданд.
Далер Ҷумъа иброз дошт, ки академик Баҳром Сироҷев аз зумраи шахсиятҳои барҷаста дар соҳаи энергетикаи мамлакат буда, ҳамчун бунёдгузори сулолаи энергетикҳои тоҷик шинохта шуда, ба хизматҳои шоён на танҳо дар Тоҷикистон, балки дар дигар давлатҳои Иттиҳоди Давлатҳои Мустақил арҷ мегузоранд.
Таъкид гардид¸ ки Баҳром Сироҷев беш аз 60 соли умри бобаракати худро ба ин соҳа бахшидааст ва ҳоло ҳам дар ин ҷода муваффақона фаъолият дорад. Махсусан таъкид гашт, ки замони роҳбарии ӯ дар ширкати давлатии «Барқи Тоҷик» новобаста аз вазъи мураккаби сиёсии Тоҷикистони тоза ба истиқлолрасида даврони рушди соҳаи энергетикаи миллӣ ба ҳисоб меравад. Маҳз дар ҳамин давра, аниқтараш соли 2000 ширкати давлатии «Барқи Тоҷик» дар Женева бо ҷоизаи олӣ – «Ситораи тиллоӣ барои сифат ва афзалият» сарфароз гардонида шуда буд.
Дар маҳифли «Нурофарон» навори аксҳои Баҳром Сироҷев аз даврони донишҷӯӣ то ба ҳол манзури иштирокдорон гардонида шуд.
Дар маҳфил инчунин муовини Вазири энергетика ва захираҳои оби ҷумҳурӣ Манучеҳр Сафарзода дар мавзуи «Рушди соҳаи энергетика дар замони соҳибистиқлолӣ» маъруза намуд.
Дар идома ходимони давлатӣ, собиқадорони соҳаи энергетика, роҳбарияти Ассотсиатсияи энергетикҳои Тоҷикистон ва дигарон доир ба рӯзгор ва фаъолияти ибратбахши Баҳром Сироҷев ибрози назар намуданд.
Дар анҷоми маҳфили «Нурофарон» ҳамчун рамзи эҳтиром ба хизматҳои арзанда ва саҳми шоиста дар пешрафти соҳаи энергетикаи мамлакат ба Баҳром Сироҷев медали соҳавии «Аълочии соҳаи энергетика» тақдим гардид.
АКС: Вазорати энергетика ва захираҳои оби Ҷумҳурии Тоҷикистон
Маркази ҳамкории Тоҷикистону Чин оид ба мубориза бар зидди нобиноӣ ифтитоҳ гардид
Бахшида ба Рӯзи байналмилалии ҳимояи кӯдакон дар ноҳияи Рашт барномаи бошукуҳи идона доир гардид
Камолиддин Назирзода: «Конфронси байналмилалии сатҳи баланд оид ба ҳифзи пиряхҳо барои тақвияти ҳамкорӣ такони бузург аст»
ТОБИСТОН ФАРО МЕРАСАД. Имсол Тоҷикистонро дар ин фасл чӣ гуна ҳаво интизор аст?
Дурнамои ҳамкории Тоҷикистон ва Иттиҳоди Аврупо баррасӣ карда шуд
Директори Агентии обуҳавошиносӣ: «Конфронси имрӯза заминаи боэътимод дар самти ҳифзи пиряхҳо дар минтақа мегардад»
Дар доираи Ҳафтаи кӯдакон ва наврасони шаҳри Душанбе дар Боғи кӯдакон барномаи бошукуҳи фарҳангӣ доир мешавад
Дар Маркази саломатии шаҳрии №15-и шаҳри Душанбе шуъбаи дастгирии ҳамаҷонибаи оила ва кӯдак ифтитоҳ шуд
Раймундас Кароблис: «Шурои ҷавонон барои Осиёи Марказӣ ташкил карда мешавад»
ҚОНУНИ ТАНЗИМИ ҶАШНУ МАРОСИМ. Қабули он зарурати воқеӣ ва танзими он баракати зиндагӣ гардид
Дар шаҳри Хоруғ оид ба ғизои мактабӣ ҷаласа доир шуд
«ЗАНОН ДАР ҲИФЗИ ПИРЯХҲО». Иштироки фаъолонаи занон дар идораи захираҳои обӣ ва устувории экологӣ муҳим аст
