Ҷавонони ноҳияи Зафаробод ба таври ихтиёрӣ ба сафи Қувваҳои Мусаллаҳ пайвастанд

Апрель 3, 2025 17:40

ДУШАНБЕ, 03.04.2025 /АМИТ «Ховар»/. 80 нафар ҷавонони ноҳияи Зафаробод ба таври ихтиёрӣ ба хизмати ҳарбӣ дар сафи Қувваҳои Мусаллаҳи Ҷумҳурии Тоҷикистон раҳсипор гардиданд.

Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Зафаробод хабар медиҳад, 2 апрел дар майдони Нишони давлатӣ маросими тантанавии гусели ҷавонон ба сафи Қувваҳои Мусаллаҳи Ҷумҳурии Тоҷикистон баргузор гардид.

Раиси ноҳия ба даъватшудагон, ки ихтиёрӣ ба сафи Артиши миллӣ дохил шудаанд, миннатдории мақомоти иҷроияи ҳокимияти давлатиро баён намуда, ба онҳо дар иҷрои қарзи ватандӯстӣ муваффақият орзу намуд. Иброз шуд, ки барои насли наврас хизмат дар сафи Қувваҳои Мусаллаҳ муҳимтарин мактаби обутоби ҳаёт мебошад. Дар ҳамин ҷо ҷавонписарон сабақи шуҷоату мардонагӣ гирифта, муҳофизат намудани хоки муқаддаси Ватанро меомӯзанд. Ва боиси ифтихор ва қаноатмандӣ аст, ки ҷавонони ноҳияи Зафаробод низ дар қатори ҳазорон ҷавонони ҷумҳурӣ ҳар сол ба таври ихтиёрӣ ба хизмати Ватан рафта, дар пойдории сулҳу ваҳдат, тинҷию осудагӣ ва осмони софи мамлакат саҳм мегузоранд.

Ҷавонон дар фазои тантанавӣ ва руҳияи баланду идона бо дуои неки падару модарон ба хизмати ҳарбӣ дар сафи Қувваҳои Мусаллаҳи Ҷумҳурии Тоҷикистон раҳсипор шуданд. Ҳамзамон ба гурӯҳи калони ҷавонони даъватшуда шаҳодатномаи ронандагӣ супорида шуд.

Бояд гуфт, ки сокини Ҷамоати деҳоти Ҷомӣ Бахтиёр Акрамов ду фарзандаш — Ҷаъфар ва Ҷамшед Акрамовро ихтиёран ба хизмати Ватан-Модар равон намуд. Ҷавонони шуҷоъ иброз доштанд, ки барои хизмат ба Тоҷикистони маҳбуб ва иҷрои дастурҳои Пешвои миллат муҳтарам Эмомалӣ Раҳмон ҳамеша омодаанд. Раиси ноҳия ин иқдоми шоистаи ҷавонон ва падари бузургашонро намунаи ибрат хонда, ба онҳо изҳори миннатдорӣ намуд.

Дар ҷамъомад барномаи фарҳангии санъаткорони ноҳия пешниҳод гардид.

АКС: Мақомоти иҷроияи ҳокимияти давлатии ноҳияи Зафаробод

Апрель 3, 2025 17:40

Хабарҳои дигари ин бахш

ҚОИДАҲОИ ҲАРАКАТ ДАР РОҲРО РИОЯ НАМОЕД! Бо иштироки мототсикл ва скутер 140 ҳодисаи роҳу нақлиёт сабт гардидааст
Ҷаласаи Мушовараи якҷояи вазоратҳои корҳои дохилии Ҷумҳурии Тоҷикистон ва Федератсияи Россия баргузор гардид
Дар Душанбе ҷаласаи ҳамоҳангсози сохторҳои қудратӣ ва мақомоти ҳифзи ҳуқуқ доир гардид
Ҷаласаи комиссияи даъвати ҷумҳуриявӣ оид ба омодагӣ ба даъвати тирамоҳии хизмати ҳарбӣ доир шуд
Наҷотдиҳандагони Тоҷикистон дар тамринҳои байналмилалии ҷустуҷӯӣ ва наҷотдиҳӣ дар Британияи Кабир иштирок намуданд
Gallup: Тоҷикистон аз ҷиҳати амну субот ва эътимоду боварии шаҳрвандон ба мақомоти ҳифзи ҳуқуқ дар ҷойи якум қарор гирифт
Тоҷикистон ба даҳгонаи давлатҳои амнтарини ҷаҳон шомил шуд
Ҳайати Вазорати корҳои дохилии Тоҷикистон дар Форуми байналмилалии амнияти ҷамъиятӣ иштирок намуд
Шурои байнидавлатии ҳолатҳои фавқулода масоили бартарафсозии офатҳои табииро баррасӣ намуд
Дар Душанбе амалиёти шартии «Тасмаи бехатарӣ» ва «Скутер» оғоз шуд
Низомиёни тоҷик дар тамринҳои «Марз-2025» иштирок доранд
Ҳаракати ҳама гуна воситаҳои нақлиёт дар баъзе кӯчаҳои шаҳри Душанбе муваққатан қатъ мегардад