Ба 60 нафар даъватшаванда дар ноҳияи Мастчоҳ шаҳодатномаи ронандагӣ супорида шуд

Апрель 4, 2025 15:17

ДУШАНБЕ, 04.04.2025 /АМИТ «Ховар»/. Артиши миллии Тоҷикистон такягоҳи боэътимоди давлат ва сипари иқтидорманди миллат мебошад. Ҳифзи марзу буми Ватан ва таъмини амнияти давлат яке аз муҳимтарин вазифаҳои ҳар шаҳрванд ба шумор меравад. Ин матлабро Раиси ноҳияи Мастчоҳ Аъзам Ализода дар  ҷамъомади  бошукуҳи гусели даъватшавандагон ба сафи Қувваҳои Мусаллаҳи Ҷумҳурии Тоҷикистон, ки 3 апрел дар назди Қасри фарҳанги шаҳраки Бӯстон баргузор шуд, баён намуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи  Мастчоҳ хабар медиҳад.

Дар ҷамъомад раиси ноҳия ба падару модароне, ки фарзандонашонро ихтиёран ба хизмати ҳарбӣ гусел намуданд, изҳори миннатдорӣ намуда, гуфт, ки дастгирӣ ва тарбияи дурусти волидон дар ташаккули руҳияи ватандӯстии ҷавонон аҳамияти калон дорад.

Иброз шуд, ки хизмати ҳарбӣ на танҳо қарзи шаҳрвандӣ, балки мактаби ҷасорат, ирода ва мардонагӣ буда, дар тарбияи ҷавонон нақши муассир мебозад.

Дар рӯзи нахустини даъвати баҳорӣ ҷамоатҳои шаҳраки Обшорон ва Суғдиён нақшаи даъватро иҷро намуданд. Ин гувоҳи омодагии баланди ҷавонони ноҳия ба хизмати ҳарбӣ мебошад.

Ба беш аз 60 даъватшаванда, ки давоми беш аз ду моҳ дар Ташкилоти ҷамъиятии мададгори мудофиа дар ноҳияи Мастчоҳ машғулияти ронандагӣ омӯхтаанд, шаҳодатномаи ронандагӣ супорида шуд.

Чун анъана маросими нонгазон баргузор шуда, модарон ба фарзандонашон барои хизмати содиқона ва сарбаландона дуои хайр доданд.

Санъаткорони бахши фарҳанги ноҳия барномаи рангини ҳунарӣ манзур намуда, бо иҷрои сурудҳои ватандӯстона руҳияи иштирокдоронро болида намуданд.

АКС: Мақомоти иҷроияи ҳокимияти давлатии ноҳияи Мастчоҳ

Апрель 4, 2025 15:17

Хабарҳои дигари ин бахш

Дар мулоқоти Прокурори генералии Тоҷикистон бо Дабири кулли СААД масоили амнияти дастҷамъӣ баррасӣ гардид
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ баргузор мешавад
Дар Душанбе Форуми минтақавӣ-иҷлосияи роҳбарони ниҳодҳои ҳолатҳои фавқулодаи мамлакатҳои Осиёи Марказӣ баргузор шуд
Вохӯрии навбатии котибони шуроҳои амнияти давлатҳои Осиёи Марказӣ ва Ҳиндустон баргузор гардид
Дар «Фахробод» машқҳои муштараки сулҳҷӯёнаи «Бародарии шикастнопазир — 2025» доир мегарданд
Машқҳои минтақавии «Бирлик-2025» расман оғоз гардиданд
НАМУНАИ ИБРАТ. Дар Спитамен се даъватшаванда аз як оила ба сафи Қувваҳои Мусаллаҳи Тоҷикистон пайвастанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ баргузор мешавад
Ҳайати Тоҷикистон дар машқҳои минтақавии «Бирлик-2025» дар Самарқанд иштирок дорад
ДАЪВАТИ ТИРАМОҲӢ. Нақшаи даъват дар Тоҷикистон 78 фоиз иҷро гардид
Фармондеҳи Гвардияи миллии Ҷумҳурии Тоҷикистон бо директори Хадамоти Федералии қӯшунҳои Гвардияи миллии Федератсияи Русия мулоқот намуд
Ҳамкории ҳарбӣ ва ҳарбӣ-техникии Тоҷикистону Русия баррасӣ гардид