Дар Душанбе рақамикунонии низоми судӣ баррасӣ гардид
ДУШАНБЕ, 15.04.2025. /АМИТ «Ховар»/. 14 апрел муовини Раиси Суди Олии Ҷумҳурии Тоҷикистон Абдуқаҳҳор Тағозода бо намояндагони Вазорати корҳои хориҷии Ҷумҳурии Финландия вохӯрӣ намуд.
Тавре аз Суди Олии Ҷумҳурии Тоҷикистон ба АМИТ «Ховар» хабар доданд, зимни вохӯрӣ ҷонибҳо масъалаҳои амалигардонии раванди рақамикунонии низомии судии мамлакатро баррасӣ намуданд.
Иброз гардид, ки яке аз мақсадҳои асосии рақамикунонии низомии судӣ дастрасии шахсони воқеӣ ва ҳуқуқӣ ба адолати судӣ бо тарзҳои муосир мебошад.
Дар охир шарикони рушд вобаста ба дастгирии ислоҳоти судӣ барои татбиқи технологияҳои рақамӣ дар низоми судии Тоҷикистон изҳори омодагӣ намуданд.
Ёдовар мешавем, ки 28 декабри соли 2024 Президенти Ҷумҳурии Тоҷикистон муҳтарам Эмомалӣ Раҳмон зимни Паём ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» дар мавриди гузариш ба низоми рақамикунонии бахшҳои иқтисоди мамлакат иброз доштанд, ки Тоҷикистон дар ҷодаи гузариш ба рақамикунонии соҳаҳои иқтисоди миллӣ бобати таъмин намудани шаффофияти муносибатҳои иқтисодию молиявӣ қадамҳои устувор мегузорад.
АКС: Суди Олии Ҷумҳурии Тоҷикистон
22 июл дар Прокуратураи генералӣ, Вазорати молия, Кумитаи андоз, агентиҳои назорати давлатии молиявӣ ва мубориза бо коррупсия ва суғуртаи иҷтимоӣ ва нафақа нишасти матбуотӣ баргузор мегардад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
