Дар мавзуи ҷавонон ва ҷаҳони муосир конференсияи ҷумҳуриявӣ баргузор шуд

ДУШАНБЕ, 26.04.2025 /АМИТ «Ховар»/. Дар Донишкадаи исломии Тоҷикистон ба номи Имоми Аъзам-Абуҳанифа таҳти унвони «Ҷавонон ва ҷаҳони муосир: мушкилот ва дурнамо» конференсияи ҷумҳуриявии илмӣ-амалӣ баргузор гардид. Дар ин хусус ба АМИТ «Ховар» аз Донишкадаи исломӣ хабар доданд.

Конференсия бо ташаббуси донишкада ва Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонии шаҳри Душанбе баргузор шуда, дар кори он муҳаққиқон ва коршиносон аз институтҳои илмӣ-таҳқиқотӣ, мактабҳои олӣ, мақомот ва идораҳои давлатии ҷумҳурӣ иштирок намуданд.

Нақши Президенти Ҷумҳурии Тоҷикистон муҳтарам Эмомалӣ Раҳмон дар татбиқи сиёсати давлатии ҷавонон, саҳми Президенти Ҷумҳурии Тоҷикистон муҳтарам Эмомалӣ Раҳмон дар  тарбияи  ватандӯстӣ ва худшиносии миллии ҷавонон, ҷавонон- қувваи  пешбарандаи ҷомеаи  муосир, мушкилоти асосии ҷавонон дар ҷаҳони муосир, маориф  ва  рушди ҷавонон дар замони муосир, иштироки ҷавонон дар ҳаёти сиёсӣ-иҷтимоӣ ва иқтисодии ҷомеа, технологияи муосир ва таъсири он ба ҷавонон, ҷавонон ва дигаргуниҳои иҷтимоӣ-фарҳангӣ дар ҷомеа, ҷавонон ва таҳдиду хатарҳои ҷаҳони муосир, маърифаткунонии ҷавонон- усули фаъоли мубориза бо ифротгароӣ ва  хурофотпарастӣ ва ғайра аз масъалаҳое буданд, ки дар конференсия мавриди баррасӣ қарор дода шуданд.

      АКС: Донишкадаи исломии Тоҷикистон ба номи Имоми Аъзам-Абуҳанифа