Дар моҳи апрел ҳаво дар Тоҷикистон чӣ гуна мешавад?
ДУШАНБЕ, 01.04.2025. /АМИТ «Ховар»/. Моҳи апрел дар Тоҷикистон ҳавои тағйирёбанда шуда, дар рӯзҳои алоҳида боридани борон, ба амал омадани раъду барқ ва жола пешгӯӣ мешавад. Дар баъзе ноҳияҳо шамол бо суръати 15-20 метр дар як сония мевазад. Ҳавои моҳи апрели имсола ба моҳи апрели соли 2013 шабоҳат дорад. Дар ин хусус АМИТ «Ховар» бо истинод ба Агентии обуҳавошиносии мамлакат хабар медиҳад.
Дар вилояти Хатлон ва водиҳои ноҳияҳои тобеи ҷумҳурӣ ҳарорати миёнаи ҳаво дар ҳудуди меъёри иқлимӣ пешгӯӣ шуда, дар водиҳо то 19 ва дар ноҳияҳои доманакӯҳ то 13 дараҷа гармиро ташкил медиҳад. Давоми моҳ ҳарорати рӯзона дар водиҳо тағйир ёфта, аз 25 то 32 дараҷа гарм, дар ноҳияҳои доманакӯҳӣ то 24 дараҷа гармӣ дар назар дошта шудааст. Давоми моҳ ҳавои тағйирёбанда пешгӯӣ шуда, дар баъзе ҳолатҳо боридани боронҳои шиддатнок ва ба амал омадани раъду барқ ва жола пешгӯӣ мешавад.
Ин моҳ дар водиҳои вилояти Суғд ҳаво то 17, дар ноҳияҳои доманакӯҳ то 13 ва дар ноҳияҳои кӯҳӣ то 7 дараҷа гармиро ташкил медиҳад. Давоми моҳ тағйирёбии рӯзонаи ҳаво пешгӯӣ шуда, дар водиҳо то 25+30 ва дар ноҳияҳои кӯҳӣ то 14+19 дараҷа гарм мешавад. Миқдори моҳонаи бориши атмосферӣ дар ҳудуди меъёри иқлимӣ пешгӯӣ мешавад. Дар баъзе ҳолатҳо боридани боронҳои шиддатнок, ба амал омадани раъду барқ ва боридани жола пешгӯӣ мешавад.
Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати миёнаи ҳаво дар ҳудуди меъёри иқлимӣ пешгӯӣ шуда, то 7+12 дараҷа гарм мешавад. Дар рӯзҳои алоҳидаи моҳ нишондиҳандаҳои пасти ҳаво пешгӯӣ шуда, ҳарорати рӯзонаи ҳаво эҳтимол то 0-5 дараҷа хунук, рӯзона то 8+13 дараҷа гарм шавад. Инчунин давоми моҳ ҳавои тағйирёбанда пешгӯӣ шуда, бориши борон дар назар аст. Ба амал омадани раъду барқ ва боридани жола низ пешгӯӣ мешавад.
Дар шарқи Вилояти Мухтори Кӯҳистони Бадахшон ҳаво 1-3 дараҷа хунук мешавад. Давоми моҳ шабона ҳаво то 0-5 дараҷа хунук ва рӯзона то 7+12 дараҷа гарм мешавад. Дар баъзе ноҳияҳо шиддати вазиши шамол аз самти ғарб бо суръати то 15-20 метр дар як сония дар назар аст.
АКС: АМИТ «Ховар»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
