Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
ДУШАНБЕ, 14.04.2025. /АМИТ «Ховар»/. 13 апрел нақшаи даъвати баҳорӣ ба сафи Қувваҳои Мусаллаҳи Ҷумҳурии Тоҷикистон дар шаҳри Бӯстон иҷро гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Бӯстон иттилоъ доданд.
Тавре масъулини шаҳри Бӯстон иброз доштанд, андешидани тадбирҳои судманд, баргузории корҳои тарғиботию ташвиқотӣ, вохӯрӣ бо насли ҷавон ва волидайни онҳо, ҳамоишҳои маърифатӣ, фарҳангӣ ва варзишӣ имкон дод, ки шаҳри Бӯстон нақшаи даъвати ҳарбиро иҷро намояд.
Фаъолияти дастҷамъонаи масъулини мақомоти иҷроияи ҳокимияти давлатии шаҳр бо комиссариати ҳарбӣ ва дигар сохторҳои ҳифзи ҳуқуқу ниҳодҳои давлатӣ барои ҷалби ихтиёрии ҷавонон ба даври омӯзишии кӯтоҳмуддати ронандатайёркунӣ дар Ташкилоти ҷамъиятии мададгори мудофиа низ ба иҷрои саривақтию босифати нақшаи даъвати баҳорӣ мусоидат намуд.
Тибқи иттилои Вазорати мудофиаи Ҷумҳурии Тоҷикистон, иҷрои нақшаи даъвати баҳории шаҳрвандон ба хизмати ҳатмии ҳарбӣ дар даҳаи аввали ин моҳ дар тамоми шаҳру ноҳияҳои Ҷумҳурии Тоҷикистон дар маҷмуъ беш аз 80 фоизро ташкил дод.
Давоми 10 рӯзи ҷараёни ин маъракаи муҳим дар вилояти Суғд иҷрои нақша ба 54 фоиз расид. Дар вилоят ноҳияи Кӯҳистони Масчоҳ аз аввалинҳо шуда, нақшаи пешбинишударо ба анҷом расонид.
Ёдовар мешавем, ки дар Тоҷикистон шуруъ аз 1 апрел маъракаи даъвати баҳории ҷавонон ба сафи Қувваҳои Мусаллаҳ оғоз гардида, то охири моҳи май идома меёбад.
АКС: Мақомоти иҷроияи ҳокимияти давлатии шаҳри Бӯстон
Котиби Шурои амнияти Ҷумҳурии Тоҷикистон бо Сафири Ҷумҳурии Исломии Покистон мулоқот намуд
Дар Панҷакент 24 кг маводи мухаддир мусодира карда шуд
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
