Дар шаҳри Бохтар доир ба натиҷаи фаъолияти Ҳизби Халқии Демократии Тоҷикистон ҳамоиш доир шуд
ДУШАНБЕ, 17.04.2025. /АМИТ «Ховар»/. Шумораи аъзои Ҳизби Халқии Демократии Тоҷикистон дар вилояти Хатлон 209 ҳазору 601 нафарро ташкил медиҳад, ки аз ин 108 ҳазору 572 нафар занон ва 74 ҳазору 674 нафар ҷавонон мебошанд. Дар ин хусус 16 апрел зимни баргузории ҳамоиш дар шаҳри Бохтар, ки дар он натиҷаҳои фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ҷамъбаст гардид, иттилоъ дода шуд.
Тавре ба АМИТ «Ховар» аз шуъбаи таблиғот ва матбуоти Кумитаи иҷроияи Ҳизби Халқии Демократии Тоҷикистон дар вилояти Хатлон хабар доданд, масъалаи қабул ба сафи ҳизб ва зиёд намудани шумораи аъзои ҳизб аз ҳисоби номзадҳои арзанда ҳамеша дар мадди назари роҳбарияти Кумитаи иҷроияи Ҳизби Халқии Демократии Тоҷикистон дар вилояти Хатлон қарор дорад.
Тибқи банди 26 Оинномаи Ҳизби Халқии Демократии Тоҷикистон, асоси ҳизбро ташкилоти ибтидоӣ ташкил медиҳад. Дар айни замон дар вилояти Хатлон 2910 ташкилоти ибтидоии ҳизбӣ фаъолият менамоянд.
Муовини якуми Раиси Ҳизби Халқии Демократии Тоҷикистон Маликшо Неъматзода иброз намуд, ки «ҳадафи мо, ҳизбиён, пеш аз ҳама, ташвиқу тарғиби дастовардҳо ва амалӣ намудани барномаҳои Ҳукумати мамлакат мебошад. Фаъолияти Кумитаи иҷроияи Ҳизби Халқии Демократии Тоҷикистон дар вилоятҳо ва шаҳру ноҳияҳо бо роҳнамоиву дастгириҳои Раиси ҳизб муҳтарам Эмомалӣ Раҳмон сол аз сол беҳтар мегардад».
Дар фарҷом як зумра фаъолон, собиқадорони ҳизб ва раисони кумитаҳои иҷроияи Ҳизби Халқии Демократии Тоҷикистон бо медали ҷашнии 30-солагии Ҳизби Халқии Демократии Тоҷикистон қадрдонӣ карда шуданд.
АКС: Кумитаи иҷроияи Ҳизби Халқии Демократии Тоҷикистон дар вилояти Хатлон
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
