Дар Тошканд тавсеаи ҳамкории байнибонкии Тоҷикистон ва Узбекистон баррасӣ шуд
ДУШАНБЕ, 12.04.2025 /АМИТ «Ховар»/. Тавсеаи ҳамкории байнибонкии Тоҷикистон ва Узбекистон дар меҳвари мулоқоти муовини Раиси Бонки миллии Тоҷикистон Гулбаҳор Назирӣ бо раиси Бонки марказии Ҷумҳурии Узбекистон Тимур Ишметов дар Тошканд баррасӣ гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Ҷонибҳо масъалаҳои густариши ҳамкории низоми бонкии ду давлатро дар доираи санадҳои меъёрии ҳуқуқии баимзорасида, аз ҷумла созишномаҳои ҳамкорӣ дар соҳаи назорати иштирокчиёни бозори хизматрасониҳои пардохтӣ ва низомҳои пардохтӣ, назорати фаъолияти ташкилоти қарзӣ, инчунин зарурати афзоиши шабакаи муносибатҳои муросилотӣ байни низомҳои бонкӣ, омӯзиши таҷрибаи тарафайн дар самти татбиқи стратегияи фарогирии молиявӣ ва тадқиқот муҳокима намуданд.
Такид шуд, ки Тоҷикистон бо назардошти ҷойгиршавии ҷуғрофӣ ва геополитикӣ, инчунин умумияти решаҳо ва робитаҳои таърихан ташаккулёфта байни халқҳои ҳарду давлати ба ҳам дӯст ба рушду густариши минбаъдаи ҳамкории мутақобили судманд бо Узбекистон таваҷҷуҳи аввалиндараҷа зоҳир менамояд. Ин аст, ки робитаҳои мустаҳками иқтисодӣ байни ду давлати ҳамсоя барои ҳамкории дарозмуддат байни низоми бонкӣ муҳим дониста мешавад.
Ҷонибҳо инчунин доир ба дигар самтҳои ояндадори ҳамкории низомҳои молиявии ҳар ду давлат, аз ҷумла тавсеаи ҳамкории низомҳои миллии кортҳои пардохтӣ дар доираи ҳисоббаробаркуниҳои мутақобил бо асъори миллӣ, инчунин мубодилаи таҷриба бо истифода аз таҷрибаи гузаронидани машваратҳои дуҷониба, таҷрибаомӯзӣ, семинарҳо ва дигар чорабиниҳои таълимӣ табодули афкор намуданд.
АКС: Бонки миллии Тоҷикистон
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
Гӯсфанди зоти ҳисорӣ ва ангури гулобии тоифӣ аз Тоҷикистон ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Вазъи кунунии паркҳои технологӣ дар Ҷумҳурии Тоҷикистон мавриди баррасӣ қарор гирифт
«Сомон Эйр» парвозҳои мустақимро дар масири Душанбе-Теҳрон ва Душанбе-Ҷидда барқарор менамояд
Тақвияти ҳамкории доираҳои соҳибкории Тоҷикистону Қирғизистон баррасӣ гардид
Масъалаи содироти сабзавоту меваи Тоҷикистон ба вилояти Свердловск баррасӣ гардид
ҚУРБИ АСЪОР: дар Тоҷикистон 1 доллари ИМА аз 9.6595 то 9.7300 сомонӣ муқаррар шудааст
Ҳайати Тоҷикистон дар ҷаласаи Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ иштирок намуд
