Дастаи ҷудои Тоҷикистон аз Чемпионати ҷудои Осиё бо 7 медал баргашт
ДУШАНБЕ, 30.04.2025. /АМИТ «Ховар»/. Имрӯз ҳайати дастаи ҷудои мамлакат аз Чемпионати ҷудои Осиё аз шаҳри Бангкоки Тайиланд бо 7 медал ба Ватан баргашт. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Варзишгарон ва мураббиёни онҳоро дар Фурудгоҳи байналмилалии Душанбе роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовини Раиси шаҳри Душанбе, ҳайати масъулини мактабҳои варзишии ҷумҳуриявӣ ва федератсияҳои варзишӣ, донишҷӯён ва дӯстдорону мухлисони варзиш гарму самимӣ ва бо суруру шодмонӣ истиқбол гирифтанд.
Зимни истиқболи варзишгарон иброз гардид, ки сари баланди ҳар яки шумо дар мусобиқаҳои сатҳи байналмилалӣ сарбаландии миллат ва ифтихори мамлакат аст. Маҳз дастгирию роҳнамоиҳои доимии падаронаи Президенти Ҷумҳурии Тоҷикистон муҳтарам Эмомалӣ Раҳмон мебошад, ки соҳаи тарбияи ҷисмонӣ ва варзиш чун яке аз самтҳои афзалиятноки сиёсати иҷтимоии Ҳукумати Тоҷикистон пазируфта шудааст.
Имрӯз варзишгарону мураббиёни мо бо дарки баланди масъулиятшиносӣ ва эҳсоси гарми ватандӯстӣ ҷавобан ба таваҷҷуҳу ғамхорие, ки нисбат ба онҳо зоҳир мегардад, талош меварзанд бо дастовардҳои назаррасу қобили таҳсину ифтихор Парчами давлатиро баланд бардоранд. Натиҷаи ҳамин ғамхориҳо дар самти варзиш аст, ки рӯз аз рӯз обрӯю нуфузи Ватани маҳбубамон дар арсаи байналмилалӣ даҳҳо маротиба нисбат ба солҳои қаблӣ боло меравад.
Ёдовар мешавем, ки дар шаҳри Бангкоки Тайиланд рақобатҳои инфиродии Чемпионати ҷудои Осиё ба анҷом расиданд. 11 ҷудочии тоҷик дар ин мусобиқаи бонуфузи осиёӣ иштирок намуда, ба гирифтани 7 медал ноил шуданд.
Дар мусобиқа Темур Раҳимов (+100 кг) ва Сомон Маҳмадбеков (-81 кг) ба гирифтани медали нуқра шарафёб гардиданд.
Ҷудочиёни дигар Ҷаҳонгир Маҷидов (-100 кг), Абубакр Шеров (-73 кг), Эмомалии Нуралӣ (-66 кг), Обид Ҷебов (-66 кг) ва Муҳаммадсолеҳ Қувватов (-60 кг) ба гирифтани медалҳои биринҷӣ даст ёфтанд.
Умедҷон Раҷабов (-90 кг) панҷум ва Виктория Киселёва (+78 кг) ҳафтум шуданд. Кароматулло Ҳакимов (-100 кг) ва Кан Александра (-57 кг) бе натиҷаи назаррас монда, мағлуб шуданд.
Мавриди ёдоварӣ аст, ки ҳайати ҷудои Тоҷикистон бори аввал дар мусобиқаи даставии Чемпионати ҷудои Осиё иштирок намуда, мақоми панҷумро сазовор гашт.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
