Душанбе мизбони конфронси III минтақавӣ оид ба ҷанбаҳои рушди устувори таҳсилоти касбӣ мегардад
ДУШАНБЕ, 09.04.2025. /АМИТ «Ховар»/. 10-11 апрел дар шаҳри Душанбе таҳти унвони «Ҷанбаҳои минтақавии рушди устувори таҳсилоти касбӣ: мушкилот ва дурнамо» конфронси III минтақавии илмӣ-амалӣ баргузор мегардад. Дар ин хусус ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон хабар доданд.
Ташкилкунандагони конфронс Вазорати маориф ва илми Ҷумҳурии Тоҷикистон ва лоиҳаи «Таҳсилоти касбӣ барои бахшҳои рушди иқтисодӣ дар Осиёи Марказӣ» (PECA) мебошанд, ки аз ҷониби Deutsche Gesellschaft für Internationale Zusammenarbeit (GIZ) GmbH (Ҷамъияти Олмон оид ба ҳамкории байналмилалӣ) бо супориши Ҳукумати Олмон амалӣ мегардад.
Дар ҳамоиш зиёда аз 160 мутахассиси соҳаи маориф ва ҷомеаи соҳибкорӣ аз кишварҳои Осиёи Марказӣ иштирок менамоянд.
Интизор меравад, ки конфронс ҳамчун платформа барои мубодилаи таҷриба ва донишҳои коршиносон аз Тоҷикистон, Узбекистон, Қазоқистон, Қирғизистон, инчунин ҳамкорони онҳо аз Иттиҳоди Аврупо хизмат намояд. Дар доираи конфронс маҷмуаи электронии мақолаҳои илмӣ, ки натиҷаҳои таҳқиқоти илмӣ-амалии беш аз 50 муаллифро дар бар мегирад, пешниҳод карда мешавад. Мавзуъҳои муҳими ин таҳқиқот ба масъалаҳои таълими касбӣ, тамоюлҳои байналмилалӣ ва миллӣ дар соҳаи таҳсилот бо назардошти гузариш ба иқтисоди «сабз», ҳамкории муассисаҳои таълимӣ бо бахши хусусӣ, рақамисозии таълими касбӣ ва таъмин намудани сифати таҳсилоти касбӣ бахшида шудаанд.
Дар рӯзи дуюми конфронс барои иштироккунандагон дарсҳои маҳорат оид ба пешбурди навовариҳо тавассути таҳқиқоти донишгоҳӣ, дастгирии таҳсил дар соҳаҳои эҷодӣ, рушди низоми устодӣ-тарбиятгарӣ ва истифодаи зеҳни сунъӣ дар таҳсилоти касбӣ баргузор мешаванд.
АКС аз манбаъҳои боз
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
Намояндагони Сафорати Тоҷикистон дар Донишгоҳи политехникии Москва бо донишҷӯёни тоҷик вохӯрӣ намуданд
Дар Донишгоҳи миллии Тоҷикистон оид ба ҷашни 40-солагии Истиқлоли давлатӣ ва фарҳанги истифодаи неруи барқ ҳамоиш доир шуд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои илмии вилояти Хуросони Разавии Эрон тақвият меёбад
