Хазинаи Байналмилалии Асъор хостори таҳкими ҳамкории самарабахш бо «Амонатбонк» гардид
ДУШАНБЕ, 11.04.2025 /АМИТ «Ховар»/. Дурнамои рушди ҳамкории Тоҷикистон бо Хазинаи Байналмилалии Асъор дар мулоқоти раиси Раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода бо роҳбари ҳайати кории Хазинаи Байналмилалии Асъор Мэтю Гертнер дар Душанбе баррасӣ гардид.
АМИТ «Ховар» бо истинод ба «Амонатбонк» иттилоъ медиҳад, ки дар мулоқот дурнамои фаъолияти бонк, натиҷаҳои молиявӣ дар соли 2024, пардохтпазирӣ, иштирок дар музоядаҳои коғазҳои қиматноки давлатӣ, рушди бозори асъор, афзоиши пешниҳоди қарз ба мизоҷон ва меъёрҳои макропруденсиалӣ муҳокима шуданд.
Алиҷон Салимзода инчунин доир ба вазъи молиявии бонк маълумот дода, афзуд, ки «Амонатбонк» яке аз бонкҳои низомсози Тоҷикистон буда, дар баробари фаъолияти тиҷоратӣ ҳамчун институти молиявии давлатии ҷумҳурӣ амаликунандаи як ҳиссаи сиёсати иҷтимоии Ҳукумати Ҷумҳурии Тоҷикистон мебошад.
Роҳбари ҳайати кории Хазинаи Байналмилаии Асъор Мэтю Гертнер ба фаъолияти молиявии «Амонатбонк» дар соли 2024 ва нақшаҳои минбаъдаи «Амонатбонк» барои соли 2025 баҳои баланд дода, иброз намуд, ки дар дилхоҳ самти фаъолият, ки ба рушди иқтисоди миллӣ равона гардидааст, омодаи ҳамкории судманд бо «Амонатбонк» мебошанд.
Дар интиҳои мулоқот мусоҳибон бо изҳори қаноатмандӣ афзуданд, ки бо инобати манфиатҳои тарафайн ҳамкории молиявии дуҷонибаро рушд медиҳанд.
АКС: «Амонатбонк»
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
ҚУРБИ АСЪОР: 1 доллари ИМА аз 9.3200 то 9.4144 сомонӣ муқаррар шудааст
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
