«Интернет барои хона» боз дар се маҳаллаи дигари Душанбе пайдо шуд
ДУШАНБЕ, 22.04.2025 /АМИТ «Ховар»/. Ширкати «МегаФон Тоҷикистон» ҳудуди амали хизматрасонии «Интернет барои хона»-ро пайваста васеъ менамояд. Интернети хонагӣ акнун ба маҳаллаҳои рақамҳои 15, 33 ва 103-и пойтахт ворид шуд. Ба ғайр аз ин, оператор мизоҷонро ба технологияи пешрафтаи GPON мегузаронад. Ин имкон медиҳад, ки суръати интернети ноқилӣ баланд бардошта шуда, пайвастагӣ боз ҳам устувор карда шавад.
GPON (Gigabit Passive Optical Network- шабакаи нурии гигабитии пассив) – технологияи замонавии нахӣ-нурие мебошад, ки суръати таҳвили маълумотро то 1 Гбит/с таъмин менамояд. Дар тафовут ба имконияти пешина GPON имкон медиҳад, ки сигнал бе талафот ба масофаҳои бузург паҳн карда шавад. Чунин имконият пайвастагии интернетро ҳатто ҳангоми сарбории калони шабака боз ҳам боқувват ва устувор мегардонад. Афзалияти технологияро акнун сокинони боз зиёда аз 9 ҳазор манзили истиқоматӣ, ки дар маҳаллаҳои рақамҳои 15, 33 ва 103-и шаҳри Душанбе қарор доранд, дида метавонанд.
Пайвасткунии «Интернет барои хона» осон ва муфид аст. Барои ин кофист, ки ба наздиктарин идораи хизматрасонии оператор муроҷиат намоед ё тариқи телефони 4747 дархост гузоред. Аз ҷиҳати нарх ба истифодабарандагони нав барои ҳамаи тарофаҳо 50 фоиз тахфиф пешниҳод карда мешавад. Ҳамин тавр, дар доираи иқдом тарофаи «Барои Хона 3 Мбит/с» 70 сомонӣ дар як моҳ (нархи муқаррарӣ – 140 сомонӣ), «Барои Хона 5 Мбит/с» 85 сомонӣ ба ҷои 170 ва «Барои хона 10 Мбит/с» 140 сомонӣ (нархи пешина – 280 сомонӣ) хоҳад буд.
«Солҳои 2025-2030 дар Тоҷикистон Солҳои рушди иқтисоди рақамӣ ва инноватсия эълон карда шуданд. Ширкати мо ҳамчун яке аз иштирокчиёни фаъоли ин раванд ба мизоҷон технологияҳои пешрафтаи интернетӣ пешниҳод намуда, онҳоро барои миқдори ҳарчи бештари истифодабарандагон дастрас мегардонад. МегаФон Тоҷикистон барои пайвасткунии интернети хонагӣ дар ҳар маҳаллаи Душанбе тамоми шароитро муҳайё хоҳад намуд. Дар ояндаи наздик сокинони маҳаллаҳои рақамҳои 32, 104 ва «Хонаҳои Қайроққум» низ аз ин хизматрасонӣ бархурдор мешаванд», — мегӯяд директори департамент оид ба инкишоф ва корбурди ТМСБ ширкати «МегаФон Тоҷикистон» Алиҷон Ғаниев.
Маълумоти нисбатан муфассалро дар бораи хизматрасонии «Интернет барои хона» метавон дар сомона ё идораҳои хизматрасонии ширкати «МегаФон Тоҷикистон» ба даст овард.
АКС: ширкати «МегаФон Тоҷикистон»
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
