ИСТИФОДАИ САМАРАНОКИ ЗАМИН. Нурулло Саидбеков аз замини наздиҳавлигияш ду ҳосил мегирад
ДУШАНБЕ, 27.04.2025. /АМИТ «Ховар»/. Сокини ноҳияи Рӯдакӣ Нурулло Саидбеков дар замини наздиҳавлигияш, ки 5 садякро ташкил медиҳад, дар айни замон ҳосили дуюмро парвариш менамояд.
Тавре Нурулло Саидбеков дар суҳбат бо хабарнигори АМИТ «Ховар» иброз намуд, моҳи феврал дар ин замини наздиҳавлигӣ шалғам кишт намудааст. Баъдан ҳосили онро дар аввали моҳи апрел пурра ҷамъоварӣ ва ба бозори истеъмолӣ ба фурӯш баровардааст.
«Манзили ман дар наздикии пойтахт ҷойгир аст ва талаботи сокинон ба маҳсулоти тару тоза бештар мебошад. Фоидабахшии ин навъи маҳсулотро ҳама медонанд. Аз ин рӯ ин навъи маҳсулот хеҷ вақт талаф намеёбад. Он дар бозори истеъмолӣ серхаридор мебошад. Инчунин навъи аввали онро низ сокинон бештар харидорӣ мекунанд. Агар шалғамро мо дар охири фасли баҳор парвариш намоем, таъму лаззат ва фоидабахшии шалғами дар фасли зимистон киштшударо надорад»,-гуфт ҳамсуҳбати мо.
Нурулло Саидбеков дар замини наздиҳавлигияш маҳсулоти полезӣ, аз қабили помидор, бодиринг, булғорӣ, райҳон ва боимҷон кишт намудааст. Ӯ мегӯяд, ки бо ин маҳсулот хонаводаи худро пурра таъмин карда, аз ҳосили он захира низ менамоянд.
Ҳамсуҳбати мо афзуд, ки «парвариш намудани маҳсулот дар замини наздиҳавлигӣ кори мушкил нест. Бояд аз кори замин наҳаросид. Ман ҳамроҳи оилам тақрибан ҳар рӯз як соати муайян онҳоро нигоҳубин мекунем. Дар вақти машғул шудан ба кори замин асаби инсон ором мешавад. Ман боварӣ дорам, ки ин амалро ҳамаи деҳқонони ботаҷриба тавсия медиҳанд».
Ҳамасола дар қитъаи замини наздиҳавлигии ин оилаи намунавӣ навъҳои гуногуни зироати кишоварзӣ кишт гардида, бо сари вақт анҷом додани корҳои агротехникӣ ва риояи тавсияҳои олимони соҳа аз он ҳосили хуб мегиранд.
АКС: АМИТ «Ховар»
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
