Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
ДУШАНБЕ, 03.04.2025 /АМИТ «Ховар»/. Бахшида ба Ҷашни байналмилалии Наврӯз дар ноҳияи Темурмалик Мусобиқаи гӯштини миллӣ (гӯштингирӣ) дар сатҳи баланд доир гардид, ки дар он паҳлавонони тоҷик Фирдавс Насимов, Ғазалшоҳи Давлатшо, Улуғбек Раҳимов, Шарифҷон Назриев, Парвиз Абдураҳмонов, Рустам Хоҷаев, Исроил Раҳимов, Фарҳод Раҳматуллобеков, Ҳақназар Назаров, Муҳаммадҷон Юсуфзода, Саидшо Раҳматуллоев, Субҳиддин Халилзода, Муҳиддин Асадуллоев, Мирзоҷамил Рамазонов, Муқтадири Бобоҷон, Зикрулло Шарифов, Ҳусейн Исҳоқзода, Абдулло Лоиқов, Ёсин Бобокалонов, Умар Шеров, Меҳрзод Суфиев, Идибеки Амиршо ва дигарон маҳорати баланд нишон дода, бар ҳарифонашон ғолиб омаданд. Ҳамчунин паҳлавонони Ҷумҳурии Исломи Эрон низ дар мусобиқа фаъолона иштирок намуданд. Дар ин хусус шореҳи АМИТ «Ховар» хабар медиҳад.
Мусобиқа бо ташаббуси Мақомоти иҷроияи ҳокимияти давлатии ноҳияи Темурмалик ва соҳибкорони бонангу номуси ин ноҳия дар сатҳи баланд баргузор гардид. Хотиррасон менамоем, ки аз ҷониби ташкилкунандагони мусобиқа ба паҳлавонони ғолиб туҳфаҳои арзишманд, аз қабили се Шоҳҷоиза- мошини сабукрав, маблағҳои калони пулӣ ва дигар туҳфаҳо супорида шуданд.
Барои Шоҳҷоизаи аввали Мусобиқаи гӯштини миллӣ дар ноҳияи Темурмалик ду паҳлавони ҷавон ва бомаҳорати тоҷик: Саидшо аз ноҳияи Восеъ ва Шаҳриёр аз ноҳияи Темурмалик давоми якуним соат ба мухлисон ҳунари баланд нишон дода, бо ҳам рақобат карданд, вале ғолиб муайян нашуд.
Барои ҳамин Шоҳҷоиза ду паҳлавони ҷавон: Муҳаммад аз ноҳияи Данғара ва Зикрулло аз ноҳияи Темурмалик рақобат намуданд. Дар ниҳоят Зикрулло бо партофти хеле зебо ҳарифашро мағлуб намуда, сазовори ин мукофоти олӣ гардид. Шоҳҷоизаи дуюмро паҳлавони тоҷик Шарифҷон Назриев пас аз мағлуб намудани Рустам Хоҷаев сазовор гардид.
Шоҳҷоизаи сеюми мусобиқаро Раиси ноҳияи Темурмалик ба Наврӯз Каримзод- ҷоизадори медали нуқраи Чемпионати ҷаҳон оид ба гӯштини кураши қазоқӣ, ки моҳе пеш дар шаҳри Деҳлии Ҳиндустон баргузор гардида буд ва инчунин ҷоизадори медали тиллои Мусобиқаи байналмилалии гӯштингирӣ, ки чанд рӯз пеш дар шаҳри Истаравшан доир гардид, тақдим намуд.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
ДАВИ МИЛЛӢ. Давидан метавонад ба коҳиши хатари марг аз сактаи дил ва дигар бемориҳои маъмул мусоидат намояд
Комиссияи назорати молиявии дастаҳои футболи Лигаи олии Тоҷикистон таъсис дода шуд
Дар Тоҷикистон Дави миллӣ ва марафони велосипедронӣ баргузор мегардад
Дастаи «Соро компания» дар силсилаи ниҳоии Суперлигаи футзали Тоҷикистон пирӯзии дуюмро ба даст овард
Байни донишҷӯёни муассисаҳои таҳсилоти ибтидоӣ ва миёнаи касбӣ мусобиқаи футболи хурд идома дорад
Лигаи футболи занонаи Тоҷикистон бо иштирокчиёни мусобиқаҳо ҷаласаи васеъ доир намуд
Намояндагони Кумитаи миллии олимпии Тоҷикистон дар Ассамблеяи генералии Шурои олимпии Осиё иштирок доранд
Рӯйхати васеи дастаи мунтахаби Тоҷикистон барои бозӣ бо дастаҳои Камбоҷа ва Филиппин муайян карда шуд
Дар Тоҷикистон бахшида ба Рӯзи ҷаҳонии футбол ҳафтаи футбол ба таври бошукуҳ таҷлил карда мешавад
Дар Душанбе бозии ситораҳои футболи Тоҷикистон ва Русия баргузор мешавад
Маротибаи аввал дастаи мунтахаби Тоҷикистон оид ба ҷудо дар мусобиқаи Grand Slam соҳиби 11 медал ва ҷойи якум гардид
Моҳи май дар Бадахшон мусобиқаи вилоятии футбол доир карда мешавад
