Раиси Маҷлиси намояндагон бо Сафири Шоҳигарии Арабистони Саудӣ мулоқот намуд
ДУШАНБЕ, 21.04.2025 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Сафири Шоҳигарии Арабистони Саудӣ Валид ибни Абдураҳмон ар-Решайдон мулоқот намуд. Дар ин хусус ба АМИТ «Ховар» аз Маҷлиси намояндагон хабар доданд.
Иброз гардид, ки Шоҳигарии Арабистони Саудӣ аз ҷумлаи аввалин давлатҳое мебошад, ки Истиқлолияти давлатии Ҷумҳурии Тоҷикистонро 11 январи соли 1992 ба расмият шинохт. Ҳамзамон 22 феврали соли 1992 ду мамлакат робитаҳои дипломатии худро расман ба роҳ монданд. Таъкид шуд, ки табодули таҷрибаи вакилони ҳарду давлат ба нафъи тарафҳо буда, ба пешрафти фаъолияти қонунгузорӣ мусоидат менамояд.
Гуфта шуд, ки моҳи марти соли 2023 бори нахуст Раиси Девони муҳосиботи Шоҳигарии Арабистони Саудӣ доктор Ҳуссом Абдулмуҳсин ал-Анқарӣ бо ҳамроҳонаш ба Душанбе ташриф оварда, бо ҳайати Парлумони Ҷумҳурии Тоҷикистон музокирот анҷом дода буданд. 26-30 июни соли 2024 дар шаҳри Душанбе бори аввал ҷаласаҳои Кумитаи дӯстии байнипарлумонии Шоҳигарии Арабистони Саудӣ ва Тоҷикистон баргузор гардид.
Танҳо соли 2024 байни Тоҷикистону Шоҳигарии Арабистони Саудӣ 9 созишномаи ҳамкорӣ ба имзо расидааст.
Дар фарҷоми вохӯрӣ таъкид шуд, ки мулоқоти имрӯза барои густариши робитаҳои байнипарлумонии ду давлат, фаъолияти гурӯҳҳои дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон ва Маҷлис-аш-Шурои Арабистони Саудӣ барои ба пешравиҳо ноил гардидан дар ҳамаи соҳаҳо заминаҳои мусоид фароҳам меорад.
АКС: Маҷлиси намояндагони Маҷлиси Олии Ҷумҳурии Тоҷикистон
Раиси Маҷлиси намояндагон бо Сафири Чин дар Тоҷикистон вохӯрӣ намуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
Раиси Маҷлиси намояндагон Файзалӣ Идизода ба сокинони Рашт нуктаҳои асосии Паёми Президенти Тоҷикистонро шарҳ дод
Дар ноҳияи Шоҳмансури шаҳри Душанбе вохӯрии вакилон бо интихобкунандагон доир шуд
