Сарвазири Тоҷикистон Қоҳир Расулзода бо муовини аввали Президенти Эрон Алӣ Наҷафии Хушрудӣ мулоқот намуд
ДУШАНБЕ, 17.04.2025 /АМИТ «Ховар»/. 17 апрел Сарвазири Ҷумҳурии Тоҷикистон Қоҳир Расулзода бо муовини корҳои байналмилалӣ ва ҳамкории минтақавӣ, муовини аввали Президенти Ҷумҳурии Исломии Эрон Алӣ Наҷафии Хушрудӣ мулоқот намуд.
Дар вохӯрӣ вазъ ва дурнамои ҳамкории гуногунҷанбаи Ҷумҳурии Тоҷикистон ва Ҷумҳурии Исломии Эрон мавриди баррасӣ қарор гирифта, тарафҳо баргузории ҷаласаи Комиссияи муштараки давлатҳо оид ба ҳамкории тиҷоратию иқтисодӣ, техникӣ ва фарҳангиро дар соли равон идомаи мантиқии ҳавасмандии ду ҷониб барои рушду тавсеаи бештари робитаҳо арзёбӣ намуданд.
Сарвазири Тоҷикистон Қоҳир Расулзода аз рушду тақвияти робитаҳои дӯстона ва мутақобили судманди Тоҷикистон бо Эрон ёдовар шуд.
Таъкид гардид, ки иқтидору зарфияти ду мамлакат барои густариши ҳамкорӣ дар соҳаи гардишгарӣ низ қобили таваҷҷуҳанд ва дар ин самт пешравиҳо ба назар мерасанд. Дар ин замина, аз лағви низоми раводид байни мамлакатҳо ёд оварда шуд, ки ба рушди соҳаи сайёҳӣ мусоидат менамояд.
Ҷонибҳо ба тавсеаи ҳамкорӣ дар соҳаи энергетика, нафту газ, ҳамлу нақли байналмилалӣ, кишоварзӣ ва дигар самтҳо таваҷҷуҳ карда, ба рушди ҳамкорӣ дар соҳаҳои сиёсат, иқтисод, тиҷорат, тандурустӣ ва илму фарҳанг ҳавасмандии хешро иброз доштанд.
Изҳори боварӣ карда шуд, ки ҳамкории судманд байни ду мамлакат ба тавсеаи бештари робитаҳо дар ҳамаи соҳаҳо заминаи мусоид фароҳам меорад.
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
