Шоҳҷоизаҳои гӯштини миллии шаҳри Ваҳдатро Сомон Аламов ва Ғазалшои Давлатшо сазовор шуданд
ДУШАНБЕ, 21.04.2025 /АМИТ «Ховар»/. Бахшида ба Ҷашни байналмилалии Наврӯз дар Ҷамоати деҳоти Гулистони шаҳри Ваҳдат Мусобиқаи гӯштини миллӣ (гӯштингирӣ) баргузор гардид, ки дар он паҳлавонони тоҷик Ғазалшои Давлатшо, Улуғбек Раҳимов, Адҳам Исоқов, Суҳроб Муҳаммадов, Оятуллои Камарӣ, Ҷумъахон Элмуродов, Сомон Аламов, Субҳиддин Халилзода, Зафар Олимшоев, Ҳайдар Саидкабирзода, Бахтовар Суфиев, Зиёдулло Неъматов, Хурсанмурод Алиев, Бобо Неъматов, Абубакри Акобир, Раҳмоналӣ Азизов, Аминҷон Абдуҷалилзода ва дигарон маҳорати баланд нишон доданд.
Мусобиқа бо ташаббуси Мақомоти иҷроияи ҳокимияти давлатии шаҳри Ваҳдат ва соҳибкорони шаҳр дар сатҳи баланд баргузор гардид.
Хотиррасон менамоем, ки аз ҷониби ташкилкунандагони ин мусобиқа ба паҳлавонони ғолиб туҳфаҳои арзишманд, аз қабили ду Шоҳҷоиза, мошини сабукрав, маблағҳои пулӣ, қолин, бузу гӯсфанд, гов, асп ва дигар туҳфаҳо супорида шуданд.
Барои Шоҳҷоизаи аввали мусобиқаи гӯштини миллӣ дар шаҳри Ваҳдат ду паҳлавони шинохта — Улуғбек Раҳимов аз ноҳияи Рӯдакӣ ва Суҳроб Муҳаммадов аз шаҳри Ваҳдат давоми як соат рақобат карданд, вале ғолиб муайян нашуд.
Аз ҷониби ташкилотчиёни мусобиқа ҳамин Шоҳҷоиза барои ду паҳлавони дигар- Ғазалшои Давлатшо аз ноҳияи Ёвон ва Адҳам Исоқов аз шаҳри Ваҳдат гузошта шуд. Дар ниҳоят Ғазалшои Давлатшо бо партофти хеле зебо ҳарифашро мағлуб намуда, сазовори ин мукофоти олӣ гардид.
Шоҳҷоизаи дуюми Мусобиқаи гӯштини миллӣ дар шаҳри Ваҳдатро паҳлавони ҷавони тоҷик Сомон Аламов, ки бар паҳлавони ноҳияи Рӯдакӣ ғолиб шуд, соҳиб гардид.
Дар Мусобиқаи гӯштини миллӣ дар шаҳри Ваҳдат ҳунару маҳорати паҳлавонони ҷавон Ҷумъахон Элмуродов аз ноҳияи Темурмалик ва Сомон Аламов аз шаҳри Ваҳдат аз дигар паҳлавонон хубтар буд, зеро бар панҷ-шаш ҳарифашон ғолиб омада, сазовори ҷоизаҳои олӣ гардиданд.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
