Телефони боварии Кумитаи рушди сайёҳӣ мушкилоти ҷаҳонгардони хориҷӣ, ширкатҳои сайёҳӣ ва шаҳрвандонро бартараф менамояд
ДУШАНБЕ, 17.04.2025 /АМИТ «Ховар»/. Шуруъ аз 21 марти соли равон дар Кумитаи рушди сайёҳии назди Ҳукумати Ҷумҳурии Тоҷикистон бо мақсади дастгирӣ ва кумак ба сайёҳони хориҷӣ ва ширкатҳои сайёҳӣ телефони боварӣ ташкил гардид. Дар ин хусус ба АМИТ «Ховар» аз ин кумита хабар доданд.
Ширкатҳои сайёҳӣ ва сайёҳони хориҷӣ дар ҳолати зарурӣ метавонанд ба телефони боварии Кумитаи рушди сайёҳии назди Ҳукумати Ҷумҳурии Тоҷикистон бо рақамҳои 118-200-200 аз соати 8:00 то 17:00 (аз душанбе то ҷумъа) мустақиман тамос гиранд. Инчунин метавонанд аз тариқи паёмак (Whatsapp, Telegram) муроҷиат намоянд.
Бояд гуфт, ки дар ин давра кумита дар ҳамкорӣ бо Вазорати корҳои дохилии Ҷумҳурии Тоҷикистон, Прокуратураи нақлиёти Тоҷикистон, Хадамоти гумрук, Қӯшунҳои сарҳадии Кумитаи давлатии амнияти миллӣ, Сарраёсати Консулӣ ва Фурудгоҳи байналмилалии Душанбе ҳангоми муроҷиат ба сайёҳони хориҷӣ, ширкатҳои сайёҳӣ ва шаҳрвандон кумакҳои амалӣ ва машваратӣ расонид.
Аз ҷумла, ҳангоми мушкилиҳои гумрукӣ дар гузаргоҳи сарҳадии Дӯстии Узбекистон, ба мушкилӣ дучор шудани 12 сайёҳи хориҷӣ аз шаҳри Самарқанд аз тариқи гузаргоҳи Саразми шаҳри Панҷакент ва ба 40 шаҳрванди Ҷумҳурии Исломии Эрон барои дарёфти раводид, ки ба тариқи роҳҳои заминӣ ба Ҷумҳурии Тоҷикистон ворид гардидаанд, мусоидат карда шуд.
Ҳамчунин ҳангоми иштибоҳан гирифта шудани бағоҷи шаҳрванди Индонезия аз ҷониби шаҳрванди Ҷумҳурии Мардумии Чин дар Фурудгоҳи байналилалии Душанбе кумак расонида шуд.
Ҳамзамон ба муроҷиаткунандагон аз ҷониби масъулони кумита ва вазорату идораҳои дахлдор дигар кумакҳои амалӣ ва машваратӣ расонида шуданд.
Бехатарӣ яке аз омилҳои таъсиррасони рушди сайёҳӣ мебошад. Аз ин рӯ дар Тоҷикистон бобати фароҳам овардани шароити мусоид барои шаҳрвандони хориҷӣ тадбирҳои зарурӣ андешида мешаванд.
АКС: АМИТ «Ховар»
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
