Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд
ДУШАНБЕ, 22.05.2025. /АМИТ «Ховар»/. Тибқи қарори Раиси шаҳри Душанбе муҳтарам Рустами Эмомалӣ, бо ташаббуси Раёсати тандурустӣ дар якҷоягӣ бо Раёсати кор бо ҷавонон ва варзиши шаҳри Душанбе дар Донишгоҳи давлатии тиббии Тоҷикистон ба номи Абуалӣ ибни Сино бахшида ба Рӯзи ҷавонони Тоҷикистон (23 май) ҳамоиш баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Душанбе хабар доданд.
Иштирокчиёни ҳамоиш бо намоишгоҳи маҳсулоти тиббӣ ва дастовардҳои ҷавонон, ки дар даромадгоҳи донишгоҳ ташкил гардида буд, шинос шуданд.
Давлату Ҳукумати Тоҷикистон ҳанӯз аз рӯзҳои аввали ба даст овардани Истиқлолияти комили миллӣ ба масъалаҳои дастгирӣ ва ҳавасмандгардонии ҷавонон таваҷҷуҳи хосса зоҳир карда, дар ин самт пайваста тадбирҳои муҳиму саривақтӣ амалӣ менамоянд. Рӯзи ҷавонони Тоҷикистон, ки ҳамасола 23 май дар саросари мамлакат бо шукуҳу шаҳомати хосса ҷашн гирифта мешавад, бори дигар аз таваҷҷуҳ ва дастгириҳои доимии Ҳукумати мамлакат нисбат ба ин қишри умедбахши ҷомеа дарак медиҳад.
Ҳоло саҳми ҷавонон дар рушду пешрафти Ватан назаррас буда, ин қишри умедабахши ҷомеа дар тамоми самтҳои ҳаётан муҳим фаъолияти пурсамар дорад. Махсусан, саҳми ҷавонон дар таъмини ҳифзи саломатии аҳолӣ низ назаррас аст. Имрӯзҳо дар ин соҳа ҷавонон ба ҳайси табиби мушфиқу ғамхор вазифа ва масъулияти хешро сарбаландона иҷро менамоянд.
Дар доираи ҳамоиши идона ва дар асоси қарори Раиси шаҳри Душанбе муҳтарам Рустами Эмомалӣ озмуни «Беҳтарин табиби ҷавон», «Беҳтарин табиби оилавии ҷавон», «Беҳтарин ҳамшираи шафқати ҷавон» ва «Беҳтарин ҳамшираи оилавии ҷавон» баргузор гардида, ғолибон бо Диплом ва мукофотпулӣ қадрдонӣ гардиданд.
АКС: Мақомоти иҷроияи ҳокимияти давлатии шаҳри Душанбе
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
