Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
ДУШАНБЕ, 22.05.2025 /АМИТ «Ховар»/. Дар замони соҳибистиқлолии Тоҷикистон зери роҳбарӣ ва пуштибонии Президенти ҷумҳурӣ муҳтарам Эмомалӣ Раҳмон ба масъалаи дастгирии давлатии ҷавонон ҳамчун насли шоистаи замон ва неруи созандаю тавоно таваҷҷуҳи хосса зоҳир мегардад. Қабул ва мавриди амал қарор гирифтани силсилаи санадҳои меъёрию ҳуқуқии соҳа, стратегияю барномаҳои давлатӣ, таъсис додани стипендияҳо, квота ва ҷоизаҳои президентӣ барои ҷавонон, иқдоми шоиста дар самти дастгирии ҳамешагии ташаббусҳои неку наҷиби ҷавонони соҳибистеъдод ва амсоли инҳо шаҳодати равшани ин гуфтаҳо мебошанд. Ин матлабро 21 май Ректори Академияи идоракунии давлатии назди Президенти Ҷумҳурии Тоҷикистон Даврон Сафарзода зимни ҳамоиши идона таҳти унвони «Пайки шубоб» бахшида ба Рӯзи ҷавонон ва Рӯзи ҷаҳонии футбол баён намуд. Дар ин хусус АМИТ «Ховар» бо истинод ба академия хабар медиҳад.
Дар ҳамоиш иброз гардид, ки маҳз ирода, садоқат ва кӯшишу талошҳои ҷавонпарваронаи Сарвари давлат муҳтарам Эмомалӣ Раҳмон мебошанд, ки иқдоми шоистаи ҷавонон ва беҳтарин ташаббусҳои созандаи онҳо пуштибонӣ ёфта, ҷавонони мо дар самтҳои гуногуни рушди иқтисодию иҷтимоии мамлакат муваффақонаю сарбаландона фаъолият доранд. Солҳои охир ҷавонони мо бо шавқу завқи бештар ба илмомӯзӣ, азхудкунии донишҳои нав ва омӯхтани касбу ҳунарҳои замонавӣ рӯ овардаанд, ки ин, албатта, падидаи неку умедворкунанда мебошад.
Ҷавонон бо дарки масъулияти баланди ватандӯстӣ ва ифтихори миллӣ дар пешрафту шукуфоии Тоҷикистон ҳиссаи арзишманд гузошта, бо ташаббус ва иқдоми созанда дар амри шукуфоии ҷумҳурӣ саҳми бориз мегузоранд.
Дар чорабинӣ аз ҷониби Кумитаи Марказии Ҳизби Халқии Демократии Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба роҳбарият ва устодону донишҷӯён медалҳои ҷашнӣ, Ифтихорнома ва Сипоснома тақдим гардид.
Ҳамзамон дастаҳои футболбозони Академияи идоракунии давлатӣ, ки ҷойҳои муайянро ишғол намудаанд, бо туҳфаҳои хотиравӣ қадрдонӣ карда шуданд.
АКС: Академияи идоракунии давлатии назди Президенти Ҷумҳурии Тоҷикистон
Ҳамкории Тоҷикистон бо Бунёди Ҳаннс Зайдел (Олмон) дар Осиёи Марказӣ баррасӣ гардид
«КАДБОНУИ БЕҲТАРИН». Шаҳри Хоруғ дар даври вилоятии ин озмун сазовори Шоҳҷоиза гардид
26 апрел даври ҷумҳуриявии озмуни «Сайри гули лола» баргузор мегардад
Ҳизби Халқии Демократии Тоҷикистон — ниҳоди мафкурасоз ва таҳкимбахши худшиносии миллӣ
Дар ноҳияи Айнӣ беморхонаи минтақавӣ бунёд карда мешавад
Таҷрибаи Тоҷикистон дар ислоҳоти соҳаи тандурустӣ дар доираи СҲШ муаррифӣ карда шуд
20 АПРЕЛ — РӮЗИ КОРМАНДОНИ МАҚОМОТИ АДЛИЯ. Ин мақомот сиёсати ҳуқуқии давлатро таъмин мекунад
МАСЛИҲАТИ МУТАХАССИС. Истеъмоли қулфинай фаромӯшхотириро кам мекунад
Муовини Сарвазири Тоҷикистон Дилрабо Мансурӣ бо фаъолони ноҳияҳои минтақаи Рашт ва шаҳри Роғун вохӯрӣ намуд
ҲХДТ ва Ҳизби коммунистии Чин робитаҳоро густариш медиҳанд
Дар шаҳру ноҳияҳои вилояти Хатлон Фестивали ҷумҳуриявии «Дӯстии ҷавонон» баргузор мегардад
Доир ба татбиқи грантҳои Хазинаи пандемикӣ дар Тоҷикистон ҷаласа баргузор гардид
