Бахшида ба Соли байналмилалии ҳифзи пиряхҳо бо ибтикори Ҳизби Халқии Демократии Тоҷикистон ҳамоиш доир шуд
ДУШАНБЕ, 07.05.2025 /АМИТ «Ховар»/. Дар барномаи Ҳизби Халқии Демократии Тоҷикистон ҳамчун ҳуҷҷати роҳнамо барои солҳои 2025-2030 дар радифи дигар масъалаҳои ҳаётан муҳим, ки татбиқи амалии он дар панҷ соли минбаъда пешбинӣ шудааст, ташаккули иқтисоди «сабз», ҳифзи муҳити зист, беҳдошти вазъи экологӣ, мусоидат ба татбиқи ташаббусҳои ҷаҳонии Тоҷикистон дар соҳаи об, пешгирӣ намудани таназзули замин, пиряхҳо, об, ҷангал ва баланд бардоштани маърифати экологии мардум мавқеи муҳимро ишғол намудаанд. Ин нуктаро муовини якуми Раиси Ҳизби Халқии Демократии Тоҷикистон Маликшо Неъматзода дар ҳамоише, ки имрӯз дар Душанбе дар иртибот ба Соли байналмилалии ҳифзи пиряхҳо эълон гардидани соли 2025 бо ибтикори Кумитаи Иҷроияи Марказии Ҳизби Халқии Демократии Тоҷикистон дар ҳамкорӣ бо Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ва Муассисаи давлатии «Маркази омӯзиши пиряхҳо» дар Душанбе баргузор гардид, иброз намуд. Дар ин хусус АМИТ «Ховар» бо истинод ба Кумитаи Иҷроияи Марказии Ҳизби Халқии Демократии Тоҷикистон иттилоъ медиҳад.
Дар ҳамоиш Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, директори Муассисаи давлатии «Маркази омӯзиши пиряхҳо»-и Академияи миллии илмҳои Тоҷикистон Назриалло Шерализода ва дигарон доир ба ташаббусҳои Президенти Ҷумҳурии Тоҷикистон муҳтарам Эмомалӣ Раҳмон доир ба масъалаҳои марбут ба обу иқлим, ҳифзи пиряхҳо ва тағйирёбии иқлим, оид ба вазъи пиряхҳои Тоҷикистон, таъсири тағйирёбии иқлим ба иқтисоди Тоҷикистон ва дигар масъалаҳои марбут ба ҳифзи пиряхҳо сухан намуданд.
Тоҷикистон бо саъю талош ва масъалагузориҳои мантиқиву саривақтии Раиси Ҳизби Халқии Демократии Тоҷикистон муҳтарам Эмомалӣ Раҳмон имрӯз дар арсаи байналмилалӣ ҳамчун давлати фаъолу ташаббускор ва пешоҳанг шинохта шудааст.
Ин омили муҳим боиси он гардид, ки Тоҷикистон на танҳо мақом ва нуфузи худро дар арсаи байналмилалӣ қавитар созад, балки бо ёфтани равиши хоси дипломатияи худ дар ҳалли масоили минтақавӣ ва ҷаҳонӣ, алалхусус пешбурди талошҳои ҷаҳонӣ барои коҳиш додани обшавии пиряхҳо фаъолона иштирок намояд ва ба ҷомеаи ҷаҳонӣ пешниҳодҳои илман асоснок манзур намояд.
Дар ҷараёни ҳамоиш байни иштирокдорон мубодилаи афкор доир шуд. Ҳамзамон бархе иштирокдорони ҳамоиш, хусусан собиқадорон бо медали ҷашнии «30-солагии ҲХДТ» ва «Сипоснома»-и Ҳизби Халқии Демократии Тоҷикистон сарфароз гардонида шуданд.
АКС: Кумитаи Иҷроияи Марказии Ҳизби Халқии Демократии Тоҷикистон
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
