Бо ҷалби коршиносони ECAC барои кормандони мақомоти авиатсионии Тоҷикистон даври омӯзишӣ гузаронида шуд
ДУШАНБЕ, 06.05.2025 /АМИТ «Ховар»/. Кормандону мутахассисони мақомот ва сохтору воҳидҳои авиатсионии Тоҷикистон дар ҷараёни баргузории даври омӯзишӣ, ки дар мавзуи «Омодакунии аудиторони миллӣ – дараҷаи I» дар шаҳри Душанбе бо ҷалби коршиносони пуртаҷриба аз Конфронси аврупоии авиатсияи гражданӣ (ECAC) баргузор гардид, донишу малакаи худро такмил доданд. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон иттилоъ медиҳад.
Ҳадафи даври омӯзишӣ, ки аз рӯи Лоиҳаи CASE II гузаронида шуд, баланд бардоштани касбияти кормандон ва таъмини бехатарии авиатсионӣ дар фурудгоҳҳо ва ширкатҳои ҳавопаймоӣ мебошад. Дар ҷараёни даври омӯзишӣ мутахассисони Конфронси аврупоии авиатсияи гражданӣ ба кормандони Агентии авиатсияи граждании назди Ҳукумати Ҷумҳурии Тоҷикистон, сардорони хадамоти бехатарии авиатсионии фурудгоҳҳои байналмилалии мамлакат ва ширкатҳои ҳавопаймоии ватанӣ дар самти бехатарии авиатсионӣ машғулияти омӯзишӣ гузарониданд.
Иштирокдорони даври омӯзишӣ инчунин бо нуқтаҳои муоинаи пешазпарвозии мусофирон дар фурудгоҳҳои мамлакат шинос шуданд.
Баргузории чунин даврҳои омӯзишӣ бо иштироки кормандони соҳа дар самти бехатарии авиатсионӣ ва таъмини бехатарӣ дар фурудгоҳҳои мамлакат ва рушди авиатсияи гражданӣ нақши муассир мегузорад.
АКС: Агентии авиатсияи граждании назди Ҳукумати Ҷумҳурии Тоҷикистон
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» доир гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
МАНЗАРАҲОИ ҶОЛИБИ ТОҶИКИСТОН — САРВАТИ БУЗУРГИ САЙЁҲӢ. Эҳдо ба Рӯзи ҷаҳонии сайёҳӣ
Соли 2027 дар Душанбе ҷаласаи 49-уми Шурои байнидавлатӣ оид ба геодезия, харитасозӣ, кадастр ва мушоҳидаи фосилавии Замин доир мегардад
27 СЕНТЯБР — РӮЗИ ҶАҲОНИИ САЙЁҲӢ. Дар Тоҷикистон барои рушди сайёҳии дохилию байналмилалӣ тадбирҳои муассир андешида мешаванд
Пахтакорони ноҳияи Мастчоҳ азм доранд 25 ҳазор тонна пахта ҷамъоварӣ намоянд
