Дар Алҷазоир ҳамкории Ҷумҳурии Тоҷикистон бо Гурӯҳи Бонки исломии рушд баррасӣ гардид
ДУШАНБЕ, 19.05.2025 /АМИТ «Ховар»/. Имрӯз дар доираи ҷаласаи солонаи Гурӯҳи Бонки исломии рушд (БИР), ки аз 19 то 22 майи соли равон дар Алҷазоир баргузор мегардад, вохӯрии ҳайати Ҷумҳурии Тоҷикистон таҳти роҳбарии Вазири рушди иқтисод ва савдо, мудири кишварии БИР аз Ҷумҳурии Тоҷикистон Завқӣ Завқизода бо роҳбари Корпоратсияи байналмилалии исломии маблағгузории савдо (ITFC) Адииб Яҳё баргузор гардид. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Завқӣ Завқизода дар оғоз иброз намуд, ки таҳти сиёсати дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамкории Ҷумҳурии Тоҷикистон бо Гурӯҳи Бонки исломии рушд, аз ҷумла бо ITFC солҳои охир таҳким ёфта, ба сатҳи сифатан нав расидааст.
Ҷонибҳо зимни вохӯрӣ ҷараёни иҷрои Созишномаи чорчӯбаи маблағгузорӣ барои солҳои 2023–2026-ро баррасӣ ва ба зарурати таҳкими татбиқи самараноки он таъкид намуданд. Созишнома соли 2023 дар шаҳри Ҷидда ба имзо расида, ҷалби маблағгузории 100 миллион долларро ба лоиҳаҳои афзалиятноки сармоягузории мамлакат пешбинӣ менамояд.
Дар вохӯрӣ ҷониби Тоҷикистон ҳамчунин пешниҳод намуд, ки маблағгузорӣ ба самтҳои истеҳсоли маҳсулоти аз ҷиҳати экологӣ тоза, нассоҷӣ ва рушди инфрасохтор зиёд карда шавад.
Дар посух роҳбарияти Корпоратсияи байналмилалии исломии маблағгузории савдо ҷонибдории худро аз самтҳои пешниҳодшуда иброз дошта, омодагии ниҳодро барои таҳияи роҳҳои мушаххаси маблағгузорӣ таъкид намуд.
Бояд гуфт, ки аз соли 2008 инҷониб Корпоратсияи байналмилалии исломии маблағгузории савдо ба иқтисоди миллии мамлакат зиёда аз 210 миллион доллар маблағгузории тиҷоратӣ равона намудааст.
АКС: Вазорати рушди иқтисод ва савдои Ҷумҳурии Тоҷикистон
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
