Дар Душанбе Форуми байналмилалии сармоягузории «Душанбе Инвест-2025» гузаронида мешавад
ДУШАНБЕ, 01.05.2025 /АМИТ «Ховар»/. Моҳи октябри соли 2025 дар шаҳри Душанбе таҳти унвони «Иқтисоди сабз: имконияти имрӯз барои устувории фардо» Форуми байналмилалии сармоягузории «Душанбе Инвест-2025» баргузор мегардад, иттилоъ медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.
Ҳадафи форум муаррифии имконоти сармоягузории «сабз» дар Ҷумҳурии Тоҷикистон мебошад.
Он ҳамчунин ба ҷалби таваҷҷуҳи роҳбарони ширкатҳои сармоягузори бонуфузи хориҷӣ, созмонҳои байналмилалии молиявӣ ва ширкатҳои ҳавасманд барои ворид шудан ба бозори Тоҷикистон ва минтақа, фароҳам овардани имконият барои рушди иқтисоди рақамӣ, таҳкими ҳамкории минтақавию байналмилалӣ ва дарёфти шарикони нав барои татбиқи ҳадафи чоруми стратегӣ- саноатикунонии босуръати мамлакат мусоидат менамояд.
Форум платформаи муносибро барои ҷонибҳои гуногун, аз ҷумла намояндагони ҳукуматҳо, созмонҳои байналмилалӣ, институтҳои молиявӣ, ширкату ташкилоти тиҷоратӣ, сармоягузорону соҳибкорон барои мубодилаи афкор, донишу таҷриба, муаррифии имконоти сармоягузорӣ ва тавсеаи ҳамкорӣ муҳайё менамояд.
Форум барои иштирокчиёни хориҷӣ бобати шиносоӣ бо таъриху фарҳанги ғанӣ, урфу одат ва анъанаҳои миллӣ, табиати зебою дилписанд ва дигар зарфияти сайёҳии Тоҷикистон имконияти мусоид фароҳам меорад.
Бо мақсади муаррифии ин форум аз ҷониби Кумитаи давлатии сармоягузорӣ ва идораи амволи давлатӣ сомонаи форум dushanbeinvest.com фаъол гардонида шудааст.
«Душанбе Инвест – 2025» на танҳо чорабинии иқтисодӣ, балки дарвозае ба самти фардои сабз ва устувор мебошад.
АКС аз манбаъҳои боз
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
