Дар Истаравшан Академияи махсуси футболи касбӣ барои кӯдакону наврасон таъсис дода мешавад
ДУШАНБЕ, 21.05.2025 /АМИТ «Ховар»/. Ба ифтихори Рӯзи ҷаҳонии футбол дар варзишгоҳи марказии шаҳри Истаравшан Академияи махсуси футболи касбӣ барои кӯдакону наврасон таъсис дода мешавад. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Истаравшан хабар доданд.
Иттилооъ дод шуд, ки Академияи махсуси футбол бо дастгирии Мақомоти иҷроияи ҳокимияти давлатии шаҳри Истаравшан ва иқдоми Муассисаи давлатии «Варзишгоҳи марказии шаҳри Истаравшан» дар ҳамкорӣ бо Клуби футболи «Истаравшан» имконпазир шуд.
Ба ин омӯзиш наврасони 9, 10, 11, 12, 13 ва 14-сола, ки ба футбол шавқу ҳавас доранд, даъват карда мешаванд.
Дар варзишгоҳ ҳамаи шароит муҳайё буда, устодони ботаҷриба ва соҳибкасб ба онҳо дарс медиҳанд, то варзишгари касбӣ гашта, ояндаи футболи Истаравшанро рушду нумӯи нав бахшанд.
Аз волидон хоҳиш карда мешавад, ки фарзандонро ба варзиш ҷалб намоянд, то онҳо ҷисману руҳан солим бошанд ва дар пешрафти футболи шаҳру мамлакат саҳм гузоранд.
Омӯзиш пурра ройгон мебошад.
20-21 майи соли 2025 аз соати 08:00 то 12:00 рӯзи қабул ва ҷалби бозингарон мебошад.
АКС: Мақомоти иҷроияи ҳокимияти давлатии шаҳри Истаравшан
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
Дар Душанбе марҳилаи дуюми Лоиҳаи «Тавонмандсозии марказҳои матбуотӣ ва ҳамкории онҳо бо ВАО» оғоз ёфт
Дар вилояти Хатлон гардиши савдои хориҷӣ ба 210,2 миллион доллар баробар гардид
Имрӯз дар Тоҷикистон ҳавои тағйирёбанда дар назар аст
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
