Дар Лондон Форуми саноати маъдани Тоҷикистон — Подшоҳии Муттаҳида баргузор шуд
ДУШАНБЕ, 21.05.2025 /АМИТ «Ховар»/. 19 май дар шаҳри Лондон бо ташаббуси Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ ва дастгирии Вазорати саноат ва технологияҳои нави Ҷумҳурии Тоҷикистон Форуми саноати маъдани Тоҷикистон-Подшоҳии Муттаҳида баргузор гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар кори Форум, ки дар таърихи равобити дуҷонибаи Тоҷикистон ва Британияи Кабир маротибаи аввал баргузор шуд, роҳбарону масъулини вазорату идораҳои давлатии мамлакат, сармоягузорон, роҳбарият ва намояндагони ширкату корхонаҳои соҳавӣ ва бонуфузи ҷаҳон – дар маҷмуъ зиёда аз 150 нафар иштирок намуданд.
Ҳайати Тоҷикистон дар ин ҳамоиш таҳти роҳбарии Вазири саноат ва технологияҳои нави Ҷумҳурии Тоҷикистон Шералӣ Кабир бо шумули сардори Саридораи геологияи назди Ҳукумати Ҷумурии Тоҷикистон Илҳомҷон Оймуҳаммадзода ва роҳбарону намояндагони дигар ниҳодҳои давлатӣ ва хусусӣ иштирок намуд.
Мақсад аз баргузории Форуми мазкур таҳкиму густариши ҳамкорӣ дар самти саноати маъдан аз тариқи ташкили муколамаи озод байни намояндагони мақомоти давлатии ду мамлакат, сармоягузорон ва роҳбарони ширкатҳои ватанӣ ва байналмилалӣ ва дар ин замина дарёфти роҳҳои нави амалӣ дар самти ташкили корхонаҳои муштарак иборат буд.
Дар доираи Форуми мазкур, ки аз иҷлосҳои ифтитоҳӣ ва якчанд иҷлоси пленариву мавзуӣ иборат буд, вохӯриҳои дуҷонибаи ҳайатҳои расмӣ ва роҳбарони ширкатҳои хусусӣ баргузор шуданд.
Дар ҳошияи ҳамоиш ҷиҳати муаррифии иқтидори истеҳсолӣ ва содиротии Ҷумҳурии Тоҷикистон намоиши молу маҳсулоти саноати маъдан ва истихроҷ, инчунин маҳсулоти гуногуни содиротии ватанӣ низ ташкил карда шуд.
Дар ҷараёни намоиш ба сармоягузорон ва роҳбарони ширкатҳои хориҷӣ вобаста ба фазову имкониятҳои сармоягузорӣ ба соҳаи саноати маъдан маълумоти муфассал пешниҳод гардид.
Дар натиҷаи мулоқоту музокироти аъзои ҳайатҳои расмӣ ва ширкатҳои хусусӣ 2 санади нави ҳамкорӣ ба имзо расид.
Интизор меравад, ки Форуми мазкур ба муаррифии иқтидори саноати маъдани кишвар, аз ҷумла имкониятҳои содиротӣ, ҷалби бештари сармояву воридоти фанновариҳои муосир дар оянда ва тақвияти ҳамкории дуҷонибаи Тоҷикистону Подшоҳии Муттаҳида дар ин самт мусоидат хоҳад намуд.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд
Дар вилояти Чунчонбукдои Корея густариши ҳамкорӣ ва муаррифии имкониятҳои Тоҷикистон баррасӣ гардид
