Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
ДУШАНБЕ, 10.05.2025. /АМИТ «Ховар»/. Дар шаҳри Норак бахшида ба Рӯзи ҷавонони Тоҷикистон (23 май) бо сарбозон вохӯрӣ баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Норак хабар доданд.
Дар вохӯрӣ иброз гардид, ки хизмат ба Ватан қарзи ҳар шаҳрванд буда, далерию ҷасурӣ ва ҷавонмардии ҳар нафари бонангу номусро талаб мекунад.
Барои насли ҷавон яке аз муҳимтарин мактаби обутоб хизмат дар сафи Қувваҳои Мусаллаҳи Тоҷикистон мебошад. Маҳз дар ҳамин ҷо ҷавонписарон шуҷоату мардонагӣ омӯхта, муқаддастарин арзиши ҳаёт- дӯст доштан ва содиқона муҳофизат кардани хоки поки Ватани азизро ёд мегиранд.
Масъулин бо ҳолати техникӣ, ҷойи хоб ва таъминоти ғизоии афсарону аскарони қисми низомӣ шинос шуданд.
Барои афсарону сарбозон дастархони идона ороста шуда, барномаи консертии идона пешкаш гардид.
Аз ҷониби Мақомоти иҷроияи ҳокимияти давлатии шаҳри Норак ба як зумра сарбозону афсарон барои саҳми арзанда дар самти тарбияи ҷавонон дар руҳияи ватандӯстию худшиносии миллӣ, ташаккули фарҳанги маънавию сиёсӣ ва дар маҷмуъ фароҳам овардани заминаҳои мусоиди худташаккулёбии ҷавонон дар сафи Қувваҳои Мусаллаҳи Ҷумҳурии Тоҷикистон «Сипоснома» супорида шуд.
Мақомоти иҷроияи ҳокимияти давлатии шаҳри Норак чунин иқдоми хайрхоҳонаро, ки яке аз самтҳои муҳими сиёсати инсонпарваронаи Президенти Ҷумҳурии Тоҷикистон муҳтарам Эмомалӣ Раҳмон маҳсуб мешавад, мунтазам амалӣ менамояд.
АКС: Мақомоти иҷроияи ҳокимияти давлатии шаҳри Норак
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
