Дар шаҳраки Сайҳуни вилояти Суғд лоиҳаи нави Бонки Аврупоии таҷдид ва рушд амалӣ карда мешавад
ДУШАНБЕ, 22.05.2025 /АМИТ «Ховар»/. Бонки Аврупоии таҷдид ва рушд нақша дорад, ки барои муҳайё намудани инфрасохтори муосир дар шаҳраки Сайҳун лоиҳаи навро амалӣ намояд. Дар ин хусус зимни вохӯрии намояндагони вилояти Суғд бо ҳайати Бонки Аврупоии таҷдид ва рушд ибрози назар карда шуд.
Тавре аз хадамоти матбуоти Раиси вилояти Суғд ба АМИТ «Ховар» иттилоъ доданд, ҳадафи асосии лоиҳаҳои Бонки Аврупоии таҷдид ва рушд инкишоф додани иқтисоди минтақа, таъмини аҳолӣ бо манзил, ҳифзи заминҳои кишоварзӣ ва ташкили инфрасохтори мукаммал мебошад.
Дар вохӯрӣ Консепсияи рушди ҳаракати ҳамгирошудаи шаҳрҳо дар шаҳри Хуҷанд ва атрофи он муаррифӣ шуда, масъалаҳои сармоягузорӣ ба инфрасохтори нақлиётӣ, дастгирии иқтисоди шаҳр ва беҳтарсозии шароити зист мавриди баррасӣ қарор гирифтанд.
Ҳоло бо дастгирии шарикони рушд ва ин бонк дар вилоят даҳҳо лоиҳаҳо амалӣ карда мешаванд. Аз ҷумла, татбиқи лоиҳаи «Рушди нақлиёти ҷамъиятӣ дар шаҳри Хуҷанд» ва харидории электробусҳо дар беҳсозии муҳити зист ва рафъи мушкилоти нақлиётӣ қадами муҳим мебошад.
Зимни вохӯрӣ инчунин иҷрои пурраи лоиҳа, дастрасии саривақтии маблағ ва хариди шумораи зарурии воситаҳои нақлиёти барқӣ зарур дониста шуд.
АКС: Хадамоти матбуоти Раиси вилояти Суғд
Дар Душанбе ҳамоишҳои байналмилалӣ дар соҳаи алоқа оғоз гардиданд
Дар Муғулистон доир ба рушди савдо ва сайёҳӣ ҳамоиш баргузор гардид
Дар Душанбе Форуми минтақавии Иттиҳоди байналмилалии алоқа барои давлатҳои аъзои ИДМ оғоз гардид
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
