Дар Теҳрон вазъи кунунӣ ва дурнамои ҳамкории дуҷонибаи Тоҷикистон ва Эрон баррасӣ гардид
ДУШАНБЕ, 19.05.2025 /АМИТ «Ховар»/. 17 май дар шаҳри Теҳрон мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Исломии Эрон Сайид Аббос Ароқчӣ баргузор гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар мулоқот ҷонибҳо вазъи кунунӣ ва дурнамои ҳамкории дуҷонибаи Тоҷикистон ва Эронро мавриди баррасӣ қарор доданд.
Зимни мулоқот таъкид гардид, ки ҳамкории минбаъда дар самтҳои иқтисодӣ, тиҷоратӣ, фарҳангӣ, илмӣ ва гардишгарӣ дар заминаи мусоиди фароҳамомада тақвият хоҳад ёфт.
Ҷонибҳо ба ҳамкорӣ дар чаҳорчӯби созмонҳои байналмилалӣ ва минтақавӣ изҳори омодагӣ намуданд.
Вазири корҳои хориҷии Ҷумҳурии Тоҷикистон ҷониби эрониро ба иштироки фаъол дар барномаҳои Конфронси байналмилалии сатҳи баланд оид ба ҳифзи пиряхҳо, ки 29-31 майи соли равон дар Душанбе баргузор мешавад, даъват намуд.
Сайид Ароқчӣ иттилоъ дод, ки дар кори конфронс ҳайати Эронро муовини аввали Президенти ин кишвар Муҳаммадризо Ориф роҳбарӣ менамояд.
АКС: Вазорати корҳои хориҷии Ҷумҳурии Тоҷикистон
Сироҷиддин Муҳриддин бо Ҷон Поммершейм мулоқот намуд
Дар Абу Забӣ ҳамкории академияҳои Тоҷикистон ва Амороти Муттаҳидаи Араб баррасӣ гардид
Тоҷикистон ва Баҳрайн ҳамкории муассисаҳои таълимии дипломатиро баррасӣ карданд
Дар Манама машваратҳои сиёсӣ байни вазоратҳои корҳои хориҷии Тоҷикистон ва Баҳрайн баргузор гардид
Намояндаи Тоҷикистон дар Муколамаи Манама иштирок намуд
Вазирони корҳои хориҷии Тоҷикистону Узбекистон мулоқот намуданд
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
Дар Самарқанд нақши Тоҷикистон дар ҳалли мушкилоти тағйирёбии иқлим ва обшавии пиряхҳо таъкид карда шуд
Дар шаҳри Пусан ҳамкории Ҷумҳурии Корея бо кишварҳои Осиёи Марказӣ дар соҳаи сайёҳӣ баррасӣ шуд
Байни Тоҷикистон ва Арабистони Саудӣ Ёддошти тафоҳум оид ба ҳамкорӣ дар соҳаи мудофиаи гражданӣ ва ҳимоя ба имзо расид
Ҳайати Тоҷикистон дар Конфронси генералии ЮНЕСКО иштирок менамояд
