Дурнамои ҳамкории Тоҷикистон ва Иттиҳоди Аврупо баррасӣ карда шуд
ДУШАНБЕ, 30.05.2025 /АМИТ «Ховар»/. 29 май директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода бо Намояндаи махсуси Иттиҳоди Аврупо оид ба Осиёи Марказӣ Эдуард Стипрайс мулоқот намуд.
Тавре ба АМИТ «Ховар» аз Маркази тадқиқоти стратегӣ хабар доданд, дар мулоқот ҷонибҳо роҷеъ ба вазъ ва дурнамои ҳамкории Тоҷикистон ва Иттиҳоди Аврупо, инчунин масъалаҳои рушди устувор, амнияти минтақавӣ ва тағйирёбии иқлим изҳори андеша намуда, ба муҳимияти равобити доираҳои таҳлилию коршиносӣ зимни татбиқи ташаббусҳои афзалиятноки миллӣ ва минтақавӣ диққати махсус зоҳир намуданд.
Эдуард Стипрайс талошҳои Тоҷикистонро дар пешбурди сиёсати созандаи хориҷӣ, бахусус дар соҳаи рушди устувор ва дипломатияи обӣ дар доираи ташаббусҳои Созмони Милали Муттаҳид баланд арзебӣ намуд. Ӯ инчунин нақши муҳими марказҳои илмӣ-таҳлилиро дар ташаккули муколамаи судманд байни Иттиҳоди Аврупо ва кишварҳои Осиёи Марказӣ таъкид намуд.
Директори Маркази тадқиқоти стратегӣ Хайриддин Усмонзода барои ҳамкории созанда ва пайваста бо институтҳои Иттиҳоди Аврупо изҳори сипос намуда, аҳамияти ҳамкорӣ ва машваратҳои мунтазам бо намояндагони Иттиҳоди Аврупоро барои таҳияи равишҳои мутавозини ҳалли мушкилоти минтақавӣ муҳим ва пурсамар арзёбӣ намуд.
Ҷонибҳо ба густариши мубодилаи коршиносон ва ҳамкории муштарак дар заминаи ташаббусҳои Иттиҳоди Аврупо дар минтақа, аз ҷумла дар доираи стратегияи нави Иттиҳоди Аврупо оид ба Осиёи Марказӣ изҳори ҳавасмандӣ намуданд.
АКС: Маркази тадқиқоти стратегии назди Президенти Ҷумҳурии Тоҷикистон
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
