Иштирокдорони Конфронси байналмилалии сатҳи баланд оид ба ҳифзи пиряхҳо бо иқтидори бойи обию энергетикии Тоҷикистон шинос мешаванд
ДУШАНБЕ, 24.05.2025 /АМИТ «Ховар»/. Дар доираи баргузории Конфронси байналмилалии сатҳи баланд оид ба ҳифзи пиряхҳо, ки 29-31 майи соли 2025 дар шаҳри Душанбе-пойтахти Ҷумҳурии Тоҷикистон баргузор мегардад, барои иштирокдорони он ба минтақаҳои гуногуни Тоҷикистон сайру саёҳат ташкил карда мешавад, иттилоъ медиҳад АМИТ «Ховар» бо истинод ба котиботи Конфронси байналмилалии сатҳи баланд оид ба ҳифзи пиряхҳо.
Иштирокдорони конфронси сатҳи баланд, ҳайатҳои кишварҳои гуногуни хориҷӣ ва созмонҳои бонуфузи байналмилалию минтақавӣ мавзеъҳои зебоманзари Тоҷикистон, аз ҷумла дараи Ромит, дарёи Сиёма, Маҷмааи лижаронии «Сафеддара», иншооти бузурги гидроэнергетикӣ- Неругоҳи барқи обии «Роғун», Неругоҳи барқи обии «Норак», ёдгориҳои таърихию фарҳангии шаҳри Душанберо тамошо намуда, бо иқтидори бойи обию энергетикии Тоҷикистон аз наздик шинос мешаванд.
Инчунин барои иштирокдорони Конфронси байналмилалии сатҳи баланд оид ба ҳифзи пиряхҳо ЭКО-дав дар болои пирях ташкил карда мешавад.
Бояд тазаккур дод, ки Конфронси байналмилалии сатҳи баланд оид ба ҳифзи пиряхҳо чорабинии муҳим ва калидӣ буда, дар чаҳорчӯби Соли байналмилалии ҳифзи пиряхҳо эълон гардидани соли 2025, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон 14 декабри соли 2022 дар иҷлосияи 77-уми Созмони Милали Муттаҳид бо дастгирӣ ва иттифоқи орои 150 давлати аъзои Созмон якдилона дастгирӣ ёфт, баргузор мегардад. Муттаҳид намудани талошҳои ҷомеаи ҷаҳонӣ барои таҳияи стратегияҳои муассири ҳифзи пиряхҳо ва идоракунии устувори захираҳои об аз ҳадафҳои асосии конфронси сатҳи баланд мебошад.
То имрӯз тақрибан 1700 нафар сиёсатмадорон, коршиносон ва олимон барои иштирок дар Конфронси байналмилалии сатҳи баланд оид ба ҳифзи пиряхҳо номнавис шудаанд.
Марзия САИДЗОДА,
АМИТ «Ховар»
АКС аз манбаъҳои боз
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
