Камолиддин Назирзода: «Конфронси байналмилалии сатҳи баланд оид ба ҳифзи пиряхҳо барои тақвияти ҳамкорӣ такони бузург аст»
ДУШАНБЕ, 31.05.2025. /АМИТ «Ховар»/. «Барои мо ҳамчун мутахассисони соҳа, ки ба омӯзиши пиряхҳо машғул ҳастем, баргузории Конфронси байналмилалии сатҳи баланд оид ба ҳифзи пиряхҳо ниҳоят муҳим аст, зеро дар доираи он имкон пайдо мекунем, ки бо олимону мутахассисони сатҳи минтақавию байналмилалӣ табодули назар ва таҷриба намоем», — изҳор дошт дар суҳбат бо хабарнигори АМИТ «Ховар» муовини сардори Маркази яхшиносии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Камолиддин Назирзода 30 май зимни баргузории нахустин Конфронси байналмилалии сатҳи баланд оид ба ҳифзи пиряхҳо, ки дар «Кохи Сомон»-и шаҳри Душанбе идома дорад.
Ба иттилои Камолиддин Назирзода, Конфронси байналмилалии сатҳи баланд оид ба ҳифзи пиряхҳо на танҳо дар Тоҷикистон, балки дар сатҳи ҷаҳон нахустин ҳамоиш дар масъалаи ҳифзи пиряхҳо буда, он имрӯз дар маркази таваҷҷуҳи ҷомеаи ҷаҳон қарор гирифтааст.
«Конфронси байналмилалӣ барои баҳамоии коршиносону мутахассисон ва ҷонибҳои манфиатдори сатҳи минтақавию байналмилалӣ ҷиҳати баррасии масоили марбут ба ҳифзи пиряхҳо ва дарёфти роҳҳои нав дар ин масъала қадами муҳим аст», — иброз дошт муовини сардори Маркази яхшиносии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон.
Коршиноси соҳа дар ҳошияи Конфронси байналмилалии сатҳи баланд оид ба ҳифзи пиряхҳо боздиди намояндагони созмонҳои байналмилалиро тавассути чархболҳо аз пиряхи калонтарини Тоҷикистон- Ванҷях воситаи арзёбӣ намудани муҳиммияти ин конфронс барои ҷомеаи ҷаҳон ном бурд.
«Мақсади асосии пеш аз Конфронси байналмилалии сатҳи баланд оид ба ҳифзи пиряхҳо ташкил намудани парвоз тавассути чархбол ба пиряхҳои Тоҷикистон барои меҳмонон-иштирокчиёни конфронс- нишон додани ҳолати пиряхҳои мамлакат дар шароити тағйирёбии иқлим ба ҳисоб меравад. Вақте онҳо бо чашмони худ ҳолати кунунии пиряхи калонтарини Тоҷикистон- Ванҷяхро мебинанд, вазъиятро хубтар дарк менамоянд. Яъне, онҳо ба хулосае меоянд, ки ин масъала дар ҳақиқат мубрам буда, кӯшишҳои Тоҷикистон дар ин самт муҳиму саривақтӣ мебошанд», — афзуд Камолиддин Назирзода дар суҳбат бо АМИТ «Ховар».
Манижа БАҲРОМЗОДА,
АМИТ «Ховар»
АКС: АМИТ «Ховар»
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
Дар беморхонаи марказии ноҳияи Дӯстӣ шуъбаи бемориҳои сироятӣ сохта мешавад
Дар Муъминобод барои дастгирии занони ҳунарманд Маркази «Чирадаст» таъсис дода шуд
Ҷаласаи навбатии Шурои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон доир шуд
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Донишгоҳи давлатии Бохтар оид ба Даҳсолаи таҳкими сулҳ ба хотири наслҳои оянда ҳамоиши илмӣ-амалӣ доир шуд
