Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ, 31.05.2025. /АМИТ «Ховар»/. Омори охирин нишон медиҳад, ки пиряхҳои дохили мавзеъҳои мероси ҷаҳонӣ ҳар сол тақрибан 58 миллиард тонна яхро аз даст медиҳанд. Агар ин тамоюл давом ёбад, беш аз 400 миллион нафар, аз ҷумла сокинони калонтарин шаҳрҳои дунё метавонанд бо хатари обхезӣ рӯ ба рӯ шаванд. Ин рақамҳо моро водор месозанд, ки дар ин самт тадбирҳои фаврӣ андешем. Чунин иброз дошт ёрдамчии Дабири кулли ЮНЕСКО Лидия Брито 30 май зимни баргузории Конфронси байналмилалии сатҳи баланд оид ба ҳифзи пиряхҳо дар «Кохи Сомон»-и шаҳри Душанбе.
«Ҷамъ омадани мо дар чунин конфронсҳои сатҳи баланд аз он гувоҳӣ медиҳад, ки пиряхҳо дар ҷомеа аҳамияти ҳаётӣ доранд. Пиряхҳо барои миллиардҳо одамон оби тозаро таъмин менамоянд, аз ин рӯ танзим намудани онҳо дар ҷомеа нақши калидӣ дорад», — изҳор намуд Лидия Брито.
Ёрдамчии Дабири кулли ЮНЕСКО ҳамзамон баён дошт, ки агарчӣ соли 2025 чун марҳилаи муҳим дар таърихи ҳифзи пиряхҳо сабт гардад ҳам, аммо мо бояд дарк намоем, ки як сол барои муқовимат бо буҳрони криосфера кифоя нест.
Тавре медонем,- гуфт Лидия Брито,- 13 августи соли 2024 зимни баргузории иҷлосияи 78-уми Маҷмаи Умумии Созмони Милали Муттаҳид (СММ) қатъномаи наве таҳти унвони «Даҳсолаи амал барои илмҳои криосфера, солҳои 2025-2034» бо иттифоқи оро қабул гардид. Ин даҳсола ташаббуси 6-уми ҷаҳонии Президенти Ҷумҳурии Тоҷикистон муҳтарам Эмомалӣ Раҳмон буда, аз ҷониби Ҷумҳурии Тоҷикистон ва дар ҳамкорӣ бо Ҷумҳурии Фаронса пешбарӣ гардидааст. Қабули чунин ташаббуси муҳим дар шароити ҳозираи тағйирёбии иқлим, ки таъсири аз ҳама бештари он ба пиряхҳо мерасад, муҳим ва саривақтӣ буда, ҷомеаи ҷаҳонро ба пажуҳиши амиқи илмии пиряхҳо даъват менамояд.
«Мо бо камоли ифтихор эълон медорем, ки маросими оғози ин даҳсола 8 июни соли 2025 дар ҷараёни конфронси сеюми Созмони Милали Муттаҳид оид ба уқёнусҳо дар шаҳри Нис бо ҳаммизбонии Фаронса ва Коста Рика баргузор мегардад», — иттилоъ дод ёрдамчии Дабири кулли ЮНЕСКО Лидия Артур Брито.
Ҳамчунин мавсуф иброз намуд, ки ЮНЕСКО Эъломияи Душанбе оид ба ҳифзи пиряхҳоро бо ифтихор дастгирӣ намуда, дар ҳама ҳолат дар паҳлуи ҷомеаи ҷаҳонӣ қарор мегирад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
