Лоиҳаҳои тандурустии Тоҷикистон дар ҷаласаи Бонки исломии рушд муаррифӣ шуданд
ДУШАНБЕ, 24.05.2025 /АМИТ «Ховар»/. Аз 19 то 23 май дар Алҷазоир ҷаласаи солонаи Бонки исломии рушд ва чорабиниҳои канории «Барномаи ҳаёт ва воситаҳо барои ҳаёт» (LLF) доир гашт, ки дар он Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иштирок ва суханронӣ намуд. Дар ин хусус АМИТ «Ховар» бо истинод ба Вазорати тандурустӣ ва ҳифзи иҷтимоии аҳолӣ хабар медиҳад.
Иттилоъ дода шуд, ки дар доираи ҳамкорӣ бо Бонки исломии рушд дар Тоҷикистон лоиҳаи «Беҳтар намудани хизматрасонӣ барои модар ва кӯдак дар чор ноҳияи вилояти Хатлон» бо муваффақият ба анҷом расида, барои пайгирии дастуру супоришҳои Ҳукумати Ҷумҳурии Тоҷикистон оид ба пурзӯр намудани назорати вориди доруҳои пастсифат ва қалбакӣ ва амалӣ намудани истеҳсоли маҳсулоти дорувории ватанӣ лоиҳаи «Пурзӯр намудани кумаки аввалияи тиббию санитарӣ тавассути назорати миллии сифати дору ва маҳсулоти хӯрокворӣ дар Ҷумҳурии Тоҷикистон» таҳия гардидааст.
Барои рушду густариши ҳамкории Тоҷикистон бо Бонки исломии рушд дар соҳаи тандурустӣ тамоми шароиту имкониятҳои зарурӣ муҳайё мебошанд ва ин ҳамкорӣ барои боз ҳам беҳтар намудани сатҳу сифати хизматрасонии тиббӣ ба аҳолӣ мусоидат хоҳанд намуд.
Дар ҷаласаи канорӣ оид ба саҳми «Барномаи ҳаёт ва воситаҳо барои ҳаёт» ва музокироти интерактивӣ ҳамзамон вазирони тандурустии ҷазираи Малдив ва Серра Леон низ иштирок намуданд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
Ҷавонон бояд роҳи гузаштагони пурифтихорамонро бо омӯзиш ва аз худ кардани илмҳои замона идома диҳанд
Президенти Тоҷикистон: «Ҳамаи иқдом, дастгирию ғамхории Ҳукумати Тоҷикистон ба хотири соҳиби илму дониши муосир гардидани ҷавонон аст»
Ҳайати Тоҷикистон дар вохӯрии Иттифоқҳои касабаи давлатҳои Созмони ҳамкории Шанхай иштирок намуд
Эмомалӣ Раҳмон: «Ҳукумати мамлакат барои фаъолияти ҷавонон тамоми иқдоми заруриро амалӣ менамояд»
23 МАЙ-РӮЗИ ҶАВОНОНИ ТОҶИКИСТОН. Ҷавонони тоҷик дар пешрафти илму техника ва ихтироъкорию навоварӣ саҳми арзанда мегузоранд
Дар Душанбе вобаста ба таҳаввули ҷойгоҳи Осиёи Марказӣ дар низоми ҳамкории С5+1 ҳамоиш баргузор шуд
ОГОҲӢ. 22-23 май дар минтақаҳои кӯҳии Тоҷикистон борони пуршиддат дар назар аст
Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
Дар Санкт-Петербург Форуми байналмилалии ҳуқуқӣ баргузор гардид
Дар Маркази стоматологии вилояти Хатлон ҷарроҳиҳои ҷоғу рӯй гузаронида мешаванд
Бахшида ба Рӯзи ҷавонони Тоҷикистон ҳамоиши ҷавонону варзишгарон баргузор шуд
