Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
ДУШАНБЕ, 09.05.2025 /АМИТ «Ховар»/. Масъалаҳои ташаккул ва рушди иқтисодиёти «сабз» дар шароити саноатикунонии босуръати иқтисоди миллӣ зимни ҳамоиш дар Донишгоҳи технологии Тоҷикистон баррасӣ гардиданд.
Тавре АМИТ «Ховар» бо истинод ба Донишгоҳи технологии Тоҷикистон иттилоъ медиҳад, дар ҳамоиш мавзуъҳои «Татбиқи иқтисоди «сабз» дар саноатикунонии ҷумҳурӣ: мушкилот ва дурнамо», «Нақши иқтисоди рақамӣ дар рушди иқтисоди миллӣ дар шароити ташаккули иқтисоди «сабз»», «Мафҳуми «афзоиши сифрӣ» дар шароити иқтисоди муосир» ва «Нақши иқтисоди даврӣ дар татбиқи ҳадафҳои рушди устувор» муҳокима шуданд.
Ташаккули иқтисоди «сабз» дар Ҷумҳурии Тоҷикистон дар асоси «Стратегияи рушди иқтисоди «сабз» барои солҳои 2023–2037», ки соли 2022 бо Қарори Ҳукумати Ҷумҳурии Тоҷикистон қабул гардидааст, амалӣ мешавад.
Мақсади стратегия гузаронидани ислоҳоти инстутитсионалӣ, таъмини истифодаи самараноки сармояи табиӣ, ҷалби сармоягузорӣ, ба роҳ мондани технологияи муосиру инноватсионӣ ва таҳкими ҳамкории байналмилалӣ дар самти иқтисоди «сабз» мебошад.
АКС: Донишгоҳи технологии Тоҷикистон
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
