МАСЛИҲАТИ МУТАХАССИС. Вақти беҳтарин барои истеъмоли харбуза байни ду таом аст
ДУШАНБЕ, 18.05.2025. /АМИТ «Ховар»/. Ҳамасола дар ҷаҳон беш аз нуҳ миллион тонна харбуза истеҳсол карда мешавад. Қисми зиёди ҳосил ба таври тару тоза ба фурӯш бароварда мешавад. Дар айни замон дар ноҳияҳои вилояти Хатлон ҷамъоварии харбуза оғоз гардидааст. Харбуза зироати гармидӯст буда, дар водиҳо, минтақаҳои наздикӯҳӣ ва заминҳои обиёришавандаю лалмии аз бориш таъмин парвариш карда мешавад.
Тоҷикистон яке аз макони парвариши харбуза ба ҳисоб меравад. Қисми зиёди намуду навъҳои харбуза маҳз дар минтақаҳои гуногуни Тоҷикистон парвариш меёбад. Навъҳои парваришшавандаи харбуза дар Осиёи Марказӣ зиёда аз 500 номгӯйро дар бар мегиранд.
Таркиби харбуза вобаста ба навъ ва давраи пухтарасиаш аз 8 то 23 фоиз қанд, 7-9 фоиз ангиштобҳо, миқдори зарурии витаминҳою моддаҳои минералиро дар бар мегирад. Дар таркиби харбуза миқдори оҳан назар ба шир 15-17 маротиба зиёд буда, элементҳои муҳим, ба монанди калий, калсий, хлор ва натрий мавҷуд мебошанд. Дар 100 грамм дилаи харбуза 33 калория мавҷуд буда, барои бемориҳои лоғарӣ, камхунӣ ва дилу рагҳои хунгар, тавсия дода мешавад. Он низ маҳсулоти парҳезию табобатӣ ба ҳисоб меравад.
Агар инсон хоҳад, ки баданаш неруманд шавад, бояд харбуза истеъмол намояд. Инчунин харбуза майнаи сарро бо рутубат таъмин мекунад, гиреҳҳои узвҳоро мекушояд, барои зардпарвин фоида дорад ва сангҳои гурдаро майда карда мерезонад.
Ба андешаи мутахассисон, вақти беҳтарин барои истеъмоли он байни ду таом аст, ки таоми аввали хӯрдашуда ҳазм ёфта, аз меъда фаромада бошад. Тамокукашӣ боиси паст шудани сатҳи витамини А дар бадан мегардад. Харбуза миқдори онро барқарор мекунад ва қобилияти кам кардани зарари шушро дорад. Ғайр аз он бӯи харбуза бӯи нохуши тамокуро нест мекунад. Харбуза асабҳоро ором намуда, изтиробро коҳиш медиҳад.
Ёдовар мешавем, ки дар Тоҷикистон хамасола моҳи сентябр Иди тарбуз, харбуза ва каду баргузор мегардад. Дар ин рӯз намоиш- фурӯши навъҳои гуногуни харбуза ва маҳсулоти дигари кишоварзӣ, инчунин намоиши хӯрокҳои аз ин маҳсулот омодашуда пешниҳод мегардад.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
