Мавзеъҳои зебои Тоҷикистон дар ҳамоиши байналмилалии «Чин-Осиёи Марказӣ» муаррифӣ карда мешаванд
ДУШАНБЕ, 31.05.2025 /АМИТ «Ховар»/. Имсол дар Ҷумҳурии Қазоқистон таҳти унвони «Чин – Осиёи Марказӣ» ҳамоиши байналмилалӣ баргузор мегардад. Дар он мавзеъҳои сайёҳии Тоҷикистон аз ҷониби телевизиони CGTN –и Ҷумҳурии Мардумии Чин муаррифӣ карда мешаванд. Дар ин хусус хабарнигори АМИТ «Ховар» иттилоъ медиҳад.
Хабарнигорони шабакаи телевизионии CGTN –и Ҷумҳурии Мардумии Чин бо мақсади аз наздик шинос гардидан бо табиат ва мавзеъҳои сайёҳӣ дар Тоҷикистон қарор доранд.
Дар доираи сафар хабарнигорони чинӣ бо ноҳияи Дарвози Вилояти Мухтори Кӯҳистони Бадахшон ва сохтмони роҳҳою нақбҳо аз наздик шинос шуданд. Инчунин ба истироҳатгоҳи «Чорчаман»-и ноҳияи Дарвоз рафтанд.
Ёдовар мешавем, ки соли равон дар Ҷумҳурии Қазоқистон таҳти унвони «Чин – Осиёи Марказӣ» ҳамоиши муҳими байналмилалӣ баргузор мешавад. Бо назардошти аҳамияти ин рӯйдод ва бо мақсади ба намоиш гузоштани дастовардҳо дар татбиқи эъломияи нахустин ҳамоиш, инчунин имконияти васеи ҳамкорӣ байни Чин ва давлатҳои Осиёи Марказӣ шабакаи телевизионии CGTN тасмим гирифтааст, ки лоиҳаи муштараки таҳқиқотиро таҳти унвони «Саёҳати бузург тавассути Осиёи Марказӣ» дар ҳамкорӣ бо воситаҳои ахбори оммаи пешсафи мамлакатҳои минтақа амалӣ намояд.
Ин лоиҳа моҳҳои май-июн амалӣ мегардад. Ҳадафи он инъикоси равандҳои ҳамкории минтақавӣ, инчунин намоиши саҳми давлатҳо дар таҳкими муносибатҳои дӯстона ва рушди устувор мебошад.
АКС: АМИТ «Ховар»
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
