Вазири саноати Тоҷикистон бо намояндагони ширкатҳои пешрафтаи байналмилалӣ дар соҳаи зеҳни сунъӣ мулоқот намуд
ДУШАНБЕ, 27.05.2025 /АМИТ «Ховар»/. Вазири саноат ва технологияҳои нави Ҷумҳурии Тоҷикистон Шералӣ Кабир бо ҳайатҳои ширкатҳои бонуфузи байналмилалӣ дар соҳаи зеҳни сунъӣ – «Presight»- Аморати Муттаҳидаи Араб (сармояаш 3,7 миллиард доллар, ки ба гурӯҳи G42 дохил аст ) ва «Scale AI»-и Амрико (сармояаш 25 миллиард доллар) мулоқоти корӣ анҷом дод. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад.
Сафари ҳайатро Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон ташкил намудааст. Дар мулоқот аз ҷониби «Presight» Директори тиҷорати ҷаҳонии ширкати «Presight» Муҳаммад Муадад Султон Носир Ал-Мҳейрӣ, директори генералии «SK-Presight» Максат Кошумбоев ва аз ширкати зеҳни сунъии «Scale AI» ноиби Президент оид ба шарикии байналмилалӣ Брук Артур, Директори техникӣ оид ба лоиҳаҳои ҳукуматӣ Мэттю Спал иштирок намуданд.
Ҷонибҳо самтҳои афзалиятноки ҳамкорӣ дар доираи татбиқи Стратегияи миллии рушди зеҳни сунъии Ҷумҳурии Тоҷикистон, аз ҷумла оғози озмоишии лоиҳаи «Presight оид ба алгоритмҳои биниши компютерӣ дар доираи лоиҳаи «Шаҳри ҳушманд» дар шаҳри Душанбе, ҷойгиркунии намояндагиҳои минтақавии ҳарду ширкат дар минтақаи ояндаи Area AI — аввалин парки технологӣ дар минтақа бо иттилооти инноватсионии худтанзимшаванда, таъсиси кластери GPU ва маркази миллии додаҳои абрӣ дар асоси энергияи «сабз», ҳамкорӣ бо ширкатҳои пешрафтаи итттилооти инноватсионии Тоҷикистонро баррасӣ намуданд. Таваҷҷуҳи махсус ба омода намудани мутахассисон, омӯзиш, ҳамкории таҳқиқотӣ ва ҳалли маҳаллисозии иттилотию инноватсионии ин ширкатҳи байналмилалӣ зоҳир карда шуд.
Шералӣ Кабир омодагии Тоҷикистонро барои ҳамкории стратегӣ бо раҳбарони фанновариҳои ҷаҳонӣ изҳор дошта, таъкид намуд, ки зеҳни сунъӣ дар заминаи рушди устувори иқтисодии мамлакат авлавият дорад.
Дар анҷоми мулоқот ҷонибҳо барои омода кардани ёддоштҳои ҳамкорӣ ва ба роҳ мондани ташаббусҳои муштарак то охири соли 2025 тадбирҳоро муайян намуданд.
АКС: Вазорати саноат ва технологияҳои нави Ҷумҳурии Тоҷикистон
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
