Ба сокинони ноҳияи Шаҳринав 272 ҷойи кор пешниҳод карда шуд
ШАҲРИНАВ, 01.06.2025 /АМИТ «Ховар»/. Дар асоси нақшаи чорабиниҳои Агентии меҳнат, муҳоҷират ва шуғли аҳолӣ дар ноҳияи Шаҳринав ва дастгирии Мақомоти иҷроияи ҳокимияти давлатии ноҳия намоишгоҳи ҷойи кор ва вазифаҳои озод баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Шаҳринав иттилоъ доданд.
Дар намоишгоҳ масъулини корхонаю ташкилоти ноҳия 272 ҷойи нави кор пешниҳод намуданд. Дар намоишгоҳ ба 30 нафар корҷӯён роҳхат ба ҷойи кор дода шуд, 22 нафар занону духтарон барои омӯзиши касбҳои дӯзандагӣ, қаннодӣ ва бофандагӣ номнавис карда шуданд.
Чунин намоишҳо ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон барои пурра ба шуғл ва касбомӯзӣ фаро гирифтани шаҳрвандон равона гардидаанд.
Дар ноҳияи Шаҳринав барои бо ҷойи кори мавсимӣ ва доимӣ таъмин намудани шаҳрвандони бекор пайваста намоишгоҳҳо гузаронида мешаванд. Бо фаро расидани мавсими кишт ва ҷамъоварии ҳосил қисми зиёди шаҳрвандони бекор дар хоҷагиҳои деҳқонӣ ба корҳои мавсимӣ ҷалб мегарданд, ки маблағи якрӯзаи кор аз 80 то 100 сомониро ташкил медиҳад.
АКС: Мақомоти иҷроияи ҳокимияти давлатии ноҳияи Шаҳринав
«ПАРЧАМИ ТОҶИКИСТОН-РАМЗИ СУЛҲУ ВАҲДАТИ МИЛЛӢ». Дар Институти астрофизика дар ин мавзуъ ҳамоиши илмӣ-амалӣ баргузор шуд
Имрӯз дар шаҳри Душанбе ҳаво то 22 дараҷа гарм мешавад
Бастаҳои интернетии «Одӣ»: осон, мувофиқ, муфид
Имрӯз дар баъзе ноҳияҳои Тоҷикистон чангу ғубор ба амал меояд
Вобаста ба нақши Пешвои миллат дар рушди илму маориф ҳамоиш баргузор гардид
Имрӯз дар водиҳои Тоҷикистон ҳаво то 26 дараҷа гарм мешавад
«Эмомалӣ Раҳмон – кафили субот ва пойдории истиқлоли давлатӣ». Дар шаҳри Бӯстон ҳамоиши ҷумҳуриявӣ баргузор гардид
ZET-MOBILE рушди 5G-ро идома медиҳад: истгоҳҳои нави базавӣ ба истифода дода шуданд
Имрӯз дар шаҳри Душанбе ҳаво то 23 дараҷа гарм мешавад
Ба ифтихори Рӯзи Президент дар ноҳияи Шаҳринав бинои муассисаи таълимӣ ба истифода дода шуд
Доир ба нақши таърихии Пешвои миллат дар эҳёи давлатдории миллӣ ва таҳкими сулҳу субот ҳамоиш баргузор шуд
Ба ифтихори Рӯзи Президент дар Осорхонаи миллии Тоҷикистон ҳамоиш баргузор шуд
