Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
ДУШАНБЕ, 13.06.2025. /АМИТ «Ховар»/. 12 июн басти аввали истироҳати тобистонаи кӯдакону наврасони ноҳияи Шоҳмансури шаҳри Душанбе бо фарогирии 250 нафар кӯдакони ятиму бепарастор, иштирокчиёни озмунҳои фанниву олимпиадаҳо ва чорабиниҳои ноҳиявию шаҳрӣ дар истироҳатгоҳи беруназшаҳрии «Зимчуруд» оғоз гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Шоҳмансур хабар доданд.
Муовини Раиси ноҳияи Шоҳмансур Заррина Зуҳурзода иброз дошт, ки имрӯз истироҳати тобистонаи кӯдакону наврасон бо фарогирии беш аз 250 нафар дар 4 баст бо давомнокии 12 рӯз дар ҳар баст тариқи ройгон амалӣ шуд.
«Дар басти аввал чун ҳарвақта хонандагони ятиму бепарастор, иштирокчиёни озмунҳои фанниву олимпиадаҳо ва чорабиниҳои ноҳиявию шаҳрӣ ҷалб крада шудаанд. Ҳамзамон, дар ҳар як баст ба 30 нафар хонанда аз мактаб-интернати №1 барои кӯдакони ятим ва бепарастори шаҳри Душанбе низ ба истироҳату солимгардонӣ рохҳат дода мешавад»,-афзуд Зарина Зуҳурова.
Таъкид карда шуд, ки тарбияи насли наврас дар рӯҳияи ватандӯстиву хештаншиносӣ, дӯст доштани табиат, истироҳат дар мавзеъҳои нотакрори диёр ва омодагӣ барои соли хониши нав яке аз ҳадафҳои асосии ташкили истироҳати тобистона барои насли наврас мебошад.
Иброз гардид, ки ҳамасола, дар асоси қарори марбутаи Раиси шаҳри Душанбе барои ба истироҳати тобистона ҷалб намудани кӯдакону наврасони пойтахт дар истироҳатгоҳҳои мавсимии беруназшаҳрӣ, варзишию солимгардонӣ ва наздимактабӣ тадбирҳои зарурӣ андешида мешавад.
Тибқи қарори дахлдор, кӯдакони ятиму бепарастор, кӯдакон аз оилаҳои камбизоат ва он хонандагоне, ки дар озмунҳои ҷумҳуриявӣ сазовори ҷойҳои намунавӣ гардидаанд, тибқи роҳхат давоми 12 рӯз ба истироҳату фароғат ҷалб карда мешаванд.
АКС: Мақомоти иҷроияи ҳокимияти давлатии ноҳияи Шоҳмансур
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
