Дар шаҳри Истаравшан 20 навъи ангур парвариш меёбад
ДУШАНБЕ, 24.06.2025. /АМИТ «Ховар»/. Дар шаҳри Истаравшан 20 навъи ангур парвариш меёбад, ки бештари он барои содирот нигаронида шудааст. Дар ин хусус ба АМИТ «Ховар» аз Раёсати кишоварзии шаҳри Истаравшан хабар доданд.
Барои ба даст овардани ҳосили фаровон айни замон маъракаи обёрӣ дар 2163 гектар боғи дарахтони мевадиҳанда ва 3651 гектар токи ангур ҷараён дорад.
Тавсия дода шуд, ки дар ин шабу рӯз ҷиҳати серҳосилу хушмаза гардонидани меваҳо обёрии саривақтӣ омили асосӣ маҳсуб мешавад. Ҷиҳати дар муҳлати муайян ба анҷом расонидани маъракаи обёрӣ ба кишоварзони ҳамаи шаклҳои хоҷагидорӣ аз ҷониби Идораи давлатии беҳдошти замин ва обёрии «Заринруд»-и шаҳри Истаравшан хоҷагиҳои деҳқонӣ бо оби полезӣ саривақт дастрас гардида истодаанд. Ҳамарӯза ба хоҷагиҳои боғу токпарвар ва деҳқонони аъзои Асотсиатсияи истифодабарандагони оби (АИО) минтақа дар ҳар сония 800 метри мукааб оби полезӣ дастрас карда мешавад.
Айни замон дар обанбори «Заринруд» наздики 20 миллион мукаабметр оби полезӣ захира карда шуда, танҳо ҷиҳати обёрии полезии 2163 гектар боғ ва 3651 гектар токзори зиёда аз 20 намуди ангур равона шудааст.
Соҳаи кишоварзӣ яке аз самтҳои муҳими хоҷагии халқи шаҳри Истаравшан ба ҳисоб рафта, дар ин самт масъулину кишоварзони шаҳр пайваста чораҳои амалӣ меандешанд, то заминаи устувори таъмини амнияти озуқаворӣ ва баланд бардоштани некӯаҳволии мардум фароҳам оварда шавад.
АКС: АМИТ «Ховар»
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
