Дастаи мунтахаби ҷавонони Тоҷикистон (U-18) барои медалҳои биринҷии Чемпионати CAFA-2025 мубориза мебарад
ДУШАНБЕ, 16.06.2025 /АМИТ «Ховар»/. Дар Тоҷикистон марҳилаи гурӯҳии мусобиқаи Чемпионати Ассотсиатсияи футболи Осиёи Марказӣ оид ба футбол байни ҷавонони то 20-сола ба анҷом расид.
Тавре ба АМИТ «Ховар» аз Федератсияи футболи Тоҷикистон хабар доданд, дар даври ниҳоӣ мунтахаби ҷавонони Тоҷикистон (U-18) бо дастаи Қирғизистон 1:1 бозиро мусовӣ кард. Пас аз ҷамъбасти марҳилаи гурӯҳӣ дастаҳои Тоҷикистон ва Қирғизистон якхела – 4 холӣ ба даст оварданд. Ба далели беҳтар будани таносуби тӯбҳо, бозигарони Қирғизистон дар гурӯҳи «А» зинаи аввалро ишғол намуданд, ки ҳамакнун дар рақобати ниҳоии чемпионати CAFA-2025 бо дастаи Эрон вомехӯранд. Тими Эрон дар навбати худ ғолиби гурӯҳи «В» гардид.
Мунтахаби ҷавонони то 18-солаи Тоҷикистон дар бозӣ барои ҷойи сеюм бо дастаи Узбекистон рақобат мекунад. Ин бозӣ 16 июн дар Варзишгоҳи «ТАЛКО-Арена»-и шаҳри Турсунзода баргузор шуда, соати 21:00 оғоз мешавад.
Бозии ниҳоии Чемпионати CAFA-2025 байни тимҳои ҷавонони Қирғизистону Эрон 17 июн дар Варзишгоҳи марказии Ҳисор баргузор гашта, соати 19:00 оғоз мешавад.
АКС: Федератсияи футболи Тоҷикистон
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
