Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
ДУШАНБЕ, 28.09.2026 /АМИТ «Ховар»/. Дар доираи Ҳафтаи сатҳи баланди иҷлосияи 81-уми Маҷмаи Умумии Созмони Милали Муттаҳид Ҷумҳурии Тоҷикистон дар якҷоягӣ бо Ҷумҳурии Непал ва дигар кишварҳо таҳти унвони «Аз Сагарматха то баҳр: даъват ба амал барои ояндаи устувор дар шароити тағйирёбии иқлим» дар қароргоҳи Созмони Милали Муттаҳид ҳамоиши сатҳи баланд баргузор намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҳамоиш Вазири корҳои хориҷии Ҷумҳурии Тоҷикистон Сироҷиддин Муҳриддин робитаи ногусастании экосистемаҳои кӯҳӣ, захираҳои обӣ ва ҷомеаҳои поёнобро таъкид намуд.
Иброз гардид, ки давоми панҷоҳ соли охир дар Тоҷикистон тақрибан 1300 пирях аз байн рафтааст. Дар ин замина, зарурати тақвияти мониторинги илмӣ, низомҳои огоҳии бармаҳал, инфрасохтори ба тағйирёбии иқлим тобовар, ҳамкории технологӣ ва дастрасӣ ба маблағгузорӣ таъкид карда шуд. Ҳамзамон саҳми пайвастаи Тоҷикистон дар пешбурди рӯзномаи ҷаҳонии ҳифзи пиряхҳо ва захираҳои обӣ, аз ҷумла дар доираи Соли байналмилалии ҳифзи пиряхҳо, Хазинаи эътимодноки байналмилалӣ оид ба ҳифзи пиряхҳо ва Раванди оби Душанбе таъкид гардид.
Дар ҳамоиш вазири корҳои хориҷии Непал Шишир Ханал, Президенти иҷлосияи 81-уми Маҷмаи Умумии Созмони Милали Муттаҳид доктор Халилур Раҳмон, вазири корҳои хориҷии Ҷумҳурии Молдив хонум Ирутҳишам Адам, инчунин намояндагони давлатҳои аъзо ва сохторҳои Созмони Милали Муттаҳид, муассисаҳои байналмилалии молиявӣ, муассисаҳои илмӣ ва дигар ҷонибҳои манфиатдор иштирок намуданд.
Дар ҳамоиш зарурати таҳкими ҳамкории байналмилалӣ ба хотири ҳифзи пиряхҳо, ҳифзи захираҳои обӣ ва таҳкими устувории иқлими ҷомеаҳои кӯҳӣ, поёноб, соҳилӣ ва ҷазиравӣ таъкид гардид. Иштирокдорон аҳаммияти тақвияти ҳамкории илмӣ, низомҳои огоҳии бармаҳал, дастрасӣ ба маблағгузории соҳаи иқлим, интиқоли технология ва ҳамкории ҳамоҳангшудаи минтақавию байналмилалиро барои вокуниш ба пайомадҳои ба ҳам алоқаманди тағйирёбии иқлим аз минтақаҳои кӯҳӣ то баҳру уқёнусҳо таъкид карданд.
АКС: Вазорати корҳои хориҷии Ҷумҳурии Тоҷикистон
Ҳайати Тоҷикистон дар нишасти Шурои вазирони корҳои хориҷии Созмони ҳамкории исломӣ иштирок намуд
Сафири Тоҷикистон дар Кувайт бо раиси Бунёди фарҳангии Ал-Бобтайн вохӯрӣ намуд
Дар Душанбе мулоқоти Сарвазири Тоҷикистон Қоҳир Расулзода бо Сарвазири Шурои давлатии Чин Ли Сян баргузор гардид
Сарвазири Шурои давлатии Ҷумҳурии Мардумии Чин Ли Сян дар назди муҷассамаи Исмоили Сомонӣ гулчанбаргузор гузошт
Сарвазири Шурои давлатии Ҷумҳурии Мардумии Чин Ли Сян бо сафари расмӣ вориди Тоҷикистон шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Намояндаи Тоҷикистон бо Мудири кулли Шуъбаи Созмони Милали Муттаҳид дар Женева мулоқот намуд
Дар Женева афзалият дар самти рушди устувори шаҳрҳо дар Тоҷикистон муаррифӣ гардид
Президенти Ҷумҳурии Тоҷикистон Эмомалӣ Раҳмон дар Ҳамоиши Роҳбарон оид ба гуногунии биологӣ иштирок намуданд
Вазирони корҳои хориҷии Тоҷикистон ва Шри-Ланка мулоқот намуданд
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
