Сардори Хадамоти алоқа бо фаъолияти ширкати «МегаФон Тоҷикистон» шинос шуд

Июнь 5, 2025 14:50

ДУШАНБЕ, 05.06.2025 /АМИТ «Ховар»/. Сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло  бо фаъолияти Идораи марказии ширкати «МегаФон Тоҷикистон» шинос шуда, бо роҳбарон ва кормандони ин ширкат мулоқот намуд.

Зимни шиносоӣ  Сардори Хадамоти алоқа бо коллективи ширкат суҳбат намуда, тарзу усулҳоеро, ки ба воситаи онҳо хадамоти мизоҷон ба оператор имкон медиҳад, ки давоми шабонарӯзӣ дар тамос бо муштариён бошад, мавриди омӯзиш қарор дод.  Исфандиёри Саъдулло  инчунин таҷҳизоти шуъбаи идоракунии фаврӣ-техникиро, ки барои фаъолияти шабака ҷавобгар буда, онро назорат мекунад, аз назар гузаронид.

Ҳамзамон Сардори Хадамоти алоқа нақшаҳои минбаъдаи рушдро бо роҳбарони ширкат мавриди муҳокима қарор дода, аз сиёсати хирадмандона ва иқдомҳои наҷибонаи  Президенти Ҷумҳурии Тоҷикистон муҳтарам Эмомалӣ Раҳмон ҷиҳати татбиқи самарабахши технологияи муосири инноватсионӣ, иқтисоди рақамӣ ва таъмини аҳолӣ бо алоқаи барқии баландсифат ёдовар шуд.

Иброз гардид, ки фаъолияти минбаъдаи муштарак дар самти ноилшавӣ ба мақсадҳои гузоштаи Ҳукумати Ҷумҳурии Тоҷикистон ҳамоҳанг карда шавад.

Зимни  мулоқот таваҷҷуҳи асосӣ ба  беҳбуд бахшидани сатҳу сифати хизматрасониҳои алоқаи мобилӣ, махсусан сифату суръати интернет, ҷустуҷӯи ҳалли мушкилот дар доираи муроҷиати шаҳрвандон равона карда шуда, ҳамчунин як қатор масъалаҳои дигари марбута мавриди баррасӣ қарор гирифтанд.

Таъкид гардид, ки вазифаи умумӣ – баландбардории сатҳи дастрасии хизматгузориҳои муосири рақамӣ барои ҳамаи сокинони кишвар ба ҳисоб рафта,  дар ин раванд саривақт бартараф намудани мушкилиҳое, ки дар минтақаҳо ба амал меоянд, ва баррасии шикоятҳои муштариён шартҳои муҳимтарин маҳсуб меёбанд. Масъулияти баланди ширкатҳои телекоммуникатсионӣ – калиди рушди иқтисодиёт, ҳамгироии иҷтимоии шаҳрвандони кишвар дар шароитҳои муосир мебошад.

“Ҳамоҳангсозии амалҳо барои ба даст овардани натиҷаҳое, ки саноати телекоммуникатсионии кишвар ҳадафи худ қарор додааст, хеле муҳим аст. Ҷиҳати махсусан илоҳомбахшанда он аст, ки Сардори Хадамоти алоқа шахсан бо кормандони ширкат шинос шуда, ба онҳо доир ба вазифаҳои аввалиндараҷаи соҳа маълумот медиҳад. Мутмаинам, ки ин вохӯрӣ барои ноилшавӣ ба дастовардҳои нав дар самти рақамикунонии иқтисодиёти Тоҷикистон асоси мустаҳкам хоҳад шуд.

Дар навбати худ ширкати “МегаФон Тоҷикистон” низ талош мекунад, ки мушкилоти баёншуда аз тарафи Хадамоти алоқаро бо масъулияти баланд ва дар муддати кӯтоҳ бартараф намуда, сатҳу сифати хизматрасонҳои алоқаи барқиро баланд мебардорад, — изҳор дошт директори генералии ширкати “МегаФон Тоҷикистон” Анатолий Изюмников.

Июнь 5, 2025 14:50

Хабарҳои дигари ин бахш

Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд
Оид ба нақши Донишгоҳи давлатии Кӯлоб дар рушди илм ва маориф конфронси ҷумҳуриявӣ доир шуд
Имрӯз дар водиҳои Тоҷикистон ҳаво то 28 дараҷа гарм мешавад
ТАҚВИМИ АМИТ «ХОВАР»: имрӯз 26 октябр, якшанбе, 299-умин рӯзи соли 2025 аст
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид