Шарифа Худобахш: «Тадқиқоти криосфера бояд ба низоми идоракунии захираҳои об ворид карда шавад»
ДУШАНБЕ, 03.06.2025. /АМИТ «Ховар»/. «Об манбаи асосии ҳаёт дар рӯйи Замин аст. Он ба устувории муҳити зист, амнияти озуқаворӣ, рушди иқтисод ва ҳамкории мутақобилан судманди байни давлатҳо таъсири калон дорад. Дар шароити тағйирёбии иқлим ва афзоиши талабот, об ба як захираи стратегӣ табдил ёфтааст. Идоракунии самараноки он бояд дар асоси илм ҷараён гирад ва манфиати ҳамаи кишварҳои минтақа ба назар гирифта шавад»,-чунин иброз дошт дар суҳбат бо хабарнигори АМИТ «Ховар» муовини Вазири энергетика ва захираҳои оби Тоҷикистон Шарифа Худобахш.
Ба гуфтаи Шарифа Худобахш, Тоҷикистон беш аз нисфи оби ҳавзаи баҳри Аралро (тақрибан 64 километри мукааб дар як сол) таъмин мекунад. Манбаи асосии он пиряхҳо мебошанд, ки ҳоло бо суръат об мешаванд. Агар тадбирҳои зарурӣ андешида нашавад, дар оянда оби рӯдҳои Амударё ва Сирдарё метавонад то 40% коҳиш ёбад.
Ҳамсуҳбати мо илова кард, ки бояд марказҳои мушоҳидаи пиряхҳо таъсис ёбанд, мутахассисон омӯзонида шаванд ва маълумоти илмӣ ба стратегияҳои рушд ворид гарданд.
«Афзоиши аҳолӣ, соҳаи кишоварзӣ, энергетика ва саноат низ ба об талаботи зиёд дорад. Аз ин рӯ, барои идора намудан захираҳои об илм ва маълумоти дақиқ нақши муҳим дорад. Бе маълумоти аниқ дар бораи пиряхҳо, барф ва яхбандӣ пешгӯии миқдори об душвор аст, махсусан дар мавсимҳои хушк, ки талабот ба он бештар мешавад»,- афзуд Шарифа Худобахш.
Аз ин рӯ, ба гуфтаи Шарифа Худобахш, тадқиқоти криосфера (яъне омӯзиши пиряхҳо, барф ва дигар шаклҳои ях) бояд ба низоми идоракунии захираҳои об ворид шавад.
Ёдовар мешавем, ки ташаббусҳои байналмилалии Тоҷикистон дар ин самт, пеш аз ҳама ҷамъ овардани дониш, технология ва захираҳо барои ҳифзи манбаи асосии об мебошад.
Моҳинави НАВРӮЗ,
АМИТ «Ховар»
АКС: АМИТ «Ховар»
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
